آنکھوں نے جہاں خاک اُڑائی ترے در کی
خود قلب میں صورت اُتر آئی ترے در کی
Aankhon ne jahan khaak urai teray dar ki
Khud qalb mein soorat utar aai teray dar ki
کعبہ بھی ، سرِ عرش بھی ، فردوس و نجف بھی
وہ دل ! جسے حاصل ہو رسائی ترے درکی
Kaba bhi, sar-e-arsh bhi, firdous-o-najaf bhi
Woh dil! Jisay hasil ho rasai teray dar ki
مقصودِ حقیقی نے قدم بڑھ کے لیے ہیں
جس نے بھی جہاں دی ہے دُہائی ترے در کی
Maqsood-e-haqeeqi ne qadam barh ke liye hain
Jis ne bhi jahan di hai duhai teray dar ki
میں اہلِ محبت میں امیر الامراء ہوں
راس آئی ہے یوں مجھ کو گدائی ترے در کی
Main ahl-e-mohabbat mein ameer-ul-umra hoon
Raaz aai hai yun mujh ko gadaai teray dar ki
سر کیوں نہ جھکائیں بصد آداب فرشتے
منظور خدا کو ہے خدائی ترے در کی
Sar kyun na jhukayein basad adaab farishte
Manzoor Khuda ko hai khudai teray dar ki
سجدہ مرا کیسے نہ ہو؟ سجدوں کا بھی قبلہ
پیشانئ ایماں ہے کمائی ترے در کی
Sajda mera kaise na ho? Sajdon ka bhi qibla
Paishani-e-imaan hai kamai teray dar ki
جلووں کے بھی جلوے سمٹ آئے مرے دل میں
آنکھوں نے مری خاک جو پائی ترے در کی
Jalwon ke bhi jalwe simat aaye mere dil mein
Aankhon ne meri khaak jo paai teray dar ki
سر کو مرے کہتے ہیں صبیحؔ اہلِ نظر در
ممکن نہیں مجھ سے تو جدائی ترے در کی
Sar ko mere kehte hain Sabih ahl-e-nazar dar
Mumkin nahin mujh se tu judai teray dar ki
Share This Naat
Share with friends and family
آنکھوں نے جہاں خاک اُڑائی ترے در کی
سید صبیح الدین صبیح رحمانی