ہیں صَف آرا سب حُور وملک اور غِلماں خُلد سجاتے ہیں
اِک دھوم ہے عرشِ اعظم پرمِہمان خُداکے آتے ہیں
Hain saf-aara sab hoor o malak aur ghilmaan khuld sajate hain
Ik dhoom hai arsh-e-azam par mehmaan Khuda ke aate hain
ہے آج فلک روشن روشن ،ہیں تارے بھی جگمگ جگمگ
محبوب خُدا کے آتے ہیں محبوب خُدا کے آتے ہیں
Hai aaj falak roshan roshan, hain tare bhi jagmag jagmag
Mahboob Khuda ke aate hain mahboob Khuda ke aate hain
قربان میں شان و عَظمت پر سوئے ہیں چَین سے بسترپر
جِبریلِ امیں حاضِر ہوکر مِعراج کا مُژدہ سناتے ہیں
Qurbaan main shaan-o-azmat par soye hain chain se bistar par
Jibreel-e-ameen haazir hokar miraaj ka mujda sunate hain
جِبریل امین بُراق لئے جنت سے زمیں پر آپہنچے
بارات فِرِشتوں کی آئی مِعراج کو دولہا جاتے ہیں
Jibreel Ameen buraq liye jannat se zameen par aapahnche
Baraat farishton ki aayi miraaj ko dulha jaate hain
ہے خُلد کا جوڑا زیبِ بدن رَحمت کا سجا سہرا سر پر
کیا خوب سُہانا ہے منظر مِعراج کو دولہا جاتے ہیں
Hai khuld ka jora zaib-e-badan rehmat ka saja sahra sar par
Kya khoob suhana hai manzar miraaj ko dulha jaate hain
ہے خوب فَضامہکی مہکی چلتی ہے ہوا ٹھنڈی ٹھنڈی
ہر سَمت سماں ہے نورانی مِعراج کو دولہا جاتے ہیں
Hai khoob faza mehki mehki chalti hai hawa thandi thandi
Har samt sama hai noorani miraaj ko dulha jaate hain
یہ عِزّوجلال اللہ! اللہ! یہ اَوج وکمال اللہ! اللہ
یہ حُسن وجما ل اللہ! اللہ! مِعراج کودولہا جاتے ہیں
Ye izz-o-jalaal Allah! Allah! ye auj-o-kamaal Allah! Allah
Ye husn-o-jamal Allah! Allah! miraaj ko dulha jaate hain
دیوانو! تصوُّر میں دیکھو! اَسرٰی کے دولہا کا جلوہ
جُھرمٹ میں ملائک لیکرانہیں مِعراج کا دولہا بناتے ہیں
Deewano! tasawwur mein dekho! asra ke dulha ka jalwa
Jhurmat mein malaaik lekar unhein miraaj ka dulha banate hain
اقصٰی میں سُواری جب پہنچی جِبریل نے بڑھ کے کہی تکبیر
نبیوں کی امامت اب بڑھ کرسلطانِ جہاں فرماتے ہیں
Aqsa mein suwari jab pahunji Jibreel ne barh ke kahi takbeer
Nabiyon ki imaamat ab barh kar Sultan-e-jahan farmate hain
وہ کیسا حسیں منظر ہوگا جب دولہا بنا سروَر ہوگا
عُشّاق تصوُّرکرکرکے بس روتے ہی رہ جاتے ہیں
Wo kaisa haseen manzar hoga jab dulha bana sarwar hoga
Ushhaaq tasawwur karkar ke bas rote hi rah jaate hain
یہ شاہ نے پائی سعادت ہے خالِق نے عطاکی زیارت ہے
جب ایک تجلّی پڑتی ہے موسیٰ تو غش کھاجاتے ہیں
Ye shah ne pai sa'adat hai Khaaliq ne ata ki ziyaarat hai
Jab ek tajalli parti hai Moosa to ghush khajaate hain
جِبریل ٹَھہَر کرسِدرہ پر بولے جو بڑھے ہم ایک قدم
جل جائیں گے سارے بال وپَر اب ہم تو یہیں رہ جاتے ہیں
Jibreel thahr kar sidrah par bole jo barhe hum ek qadam
Jal jaenge saare baal-o-par ab hum to yahin reh jaate hain
اللہ کی رَحمت سے سرور جاپہنچے دَنَا کی منزِل پر
اللہ کا جلوہ بھی دیکھا دیدارکی لذّت پاتے ہیں
Allah ki rehmat se sarwar ja pahunche dana ki manzil par
Allah ka jalwa bhi dekha deedaar ki lazzat pate hain
مِعراج کی شب تو یاد رکھا پھر حشر میں کیسے بھولیں گے
عطارؔ اِسی اُمّید پہ ہم دن اپنے گزارے جاتے ہیں
Miraaj ki shab to yaad rakha phir hashr mein kaise bhoolenge
Attar isi umeed pe hum din apne guzare jaate hain
Share This Naat
Share with friends and family
ہیں صَف آرا سب حُور وملک اور غِلماں خُلد سجاتے ہیں
الیاس عطار قادری