ادب گاہِ دوعالم ہے یہاں دستک نہیں دیتے
فرشتے جانتے ہیں وہ کہاں دستک نہیں دیتے
Adab gah-e-do alam hai yahan dastak nahi dete
Farishtay jante hain wo kahan dastak nahi dete
کھڑے رہتے ہیں دروازے پہ سائل کی طرح برسوں
ہم ایسے بے وجود و بے زباں دستک نہیں دیتے
Khara rahte hain darwazay pe sael ki tarah barson
Hum aise be wujood o bezuban dastak nahi dete
گزر جاتے ہیں خوشبو کی طرح چُپ چاپ گلیوں سے
مدینے میں ہوا کے سائباں دستک نہیں دیتے
Guzar jate hain khushbu ki tarah chup chaap galiyon se
Madinay mein hawa ke saebaan dastak nahi dete
ہم ایسے واقفانِ راز ہائے شہرِ خوش بختاں
وہاں پلکیں بچھاتے ہیں وہاں دستک نہیں دیتے
Hum aise waqifan-e-raaz hai shaher-e-khush bakhtan
Wahan palken bichhate hain wahan dastak nahi dete
یہی اِک بارگاہِ نُور ہے کونین میں تنہا
جہاں پر احتراماً آسماں دستک نہیں دیتے
Yehi ik baargah-e-noor hai konain mein tanha
Jahan par ehteraman aasman dastak nahi dete
پرندے ہوں ، درندے ہوں، کہ ہوں مہکے ہوئے موسم
مدینے کی زمیں پر نغمہ خواں دستک نہیں دیتے
Parinday hon, darinday hon, keh hon mehke huye mausam
Madinay ki zameen par naghma khwaan dastak nahi dete
یہاں پر عاجزی کی چادریں سب اوڑھ لیتے ہیں
یہاں چھوٹے بڑے سب کارواں دستک نہیں دیتے
Yahan par aajzi ki chadren sab oarh lete hain
Yahan chotay baray sab karwan dastak nahi dete
وہاں کچھ اور ہی اسلوب ہیں آواز دینے کے
وہاں پر میرے انجؔم میری جاں دستک نہیں دیتے
Wahan kuch aur hi aslumb hai aawaz dene ke
Wahan par mere Anjam meri jaan dastak nahi dete
Share This Naat
Share with friends and family
ادب گاہِ دوعالم ہے یہاں دستک نہیں دیتے
انجم نیازی