جب کرم سرکار کا بالائے بام آجائے گا
زائروں میں دیکھنا میرا بھی نام آجائے گا
Jab karam sarkar ka balaa-e-bam aajaye ga
Zairoon mein dekhna mera bhi naam aajaye ga
دُور طیبہ سے پڑا ہُوں گر کرم کردیں حضور
فاصلہ خود ہی سِمٹ کر پھر دوگام آجائے گا
Door Taiba se para hoon gar karam kardein Huzoor
Faasla khud hi simat kar phir do gam aajaye ga
جی رہا میں اِسی اُمید پر کہ ایک دن
آپ کی سرکار سے میرا پیام آجائے گا
Ji raha main isi umeed par ke ek din
Aap ki sarkar se mera payam aajaye ga
جانے کیسا وقت ہوگا وہ حسِین و دِلرُبا
آپ کے دربار میں جب یہ غلام آجائے گا
Jaane kaisa waqt ho ga wo haseen o dilruba
Aap ke darbar mein jab ye ghulam aajaye ga
زائرِ طیبہ کروگے جب کہ تم جاکر سلام
اِس سے پہلے جانبِ شہ سے سلام آجائے گا
Zair-e-Taiba karoge jab ke tum jaa kar salam
Iss se pehle janib-e-shah se salam aajaye ga
گو کہ عاصی ہُوں مگر کِس کا شۂِ لولاک کا
دونوں عالم میں تعلق بس یہ کام آجائے گا
Go ke aasi hoon magar kis ka shah-e-lolaak ka
Dono aalam mein talluq bas ye kaam aajaye ga
رحمتیں برسیں گی رب کی میری ارضِ پاک پر
مصطفیٰ کا دیکھنا جب کہ نظام آجائے گا
Rehmatien barsengi rab ki meri arz-e-paak par
Mustafa ka dekhna jab ke nizaam aajaye ga
شاہِ بطحیٰ کی اِطاعت لازمی خود پر کرو
دین و دنیا میں تمہارا احترام آجائے گا
Shah-e-Batha ki ita'at laazmi khud par karo
Deen o duniya mein tumhara ehtram aajaye ga
خاک ہوجائے گا مرزا جب حرم کی خاک میں
مِٹ کہ یُوں اہلِ بقا میں اس کا نام آجائے گا
Khaak ho jaye ga Mirza jab haram ki khaak mein
Mit ke yun ahl-e-baqa mein us ka naam aajaye ga
Share This Naat
Share with friends and family
جب کرم سرکار کا بالائے بام آجائے گا
مرزا جاوید بیگ عطاری