جو اویس ؓ کا ہے معاملہ نہ سہی، اک اُن کی لگن تو ہے
مرے رو برو تو نہیں ہیں وہ، مگر اُن سے رُوئے سخن تو ہے
Jo Owais (r) ka hai muamla na sahi, ik un ki lagan to hai
Mere ro baru to nahi hain woh, magar un se roye sakhan to hai
دِل باشعور ہے منہمک، رُخِ مصطفےٰؐکے خیال میں
مِرا ذہن جس سے دمک اُٹھا، یہی روشنی کی کرن تو ہے
Dil bashe'r hai manahmak, rukh-e-Mustafa (saw) ke khayal mein
Mera zehan jis se dimak utha, yehi roshni ki kiran to hai
رہِ عشق طے کرو شان سے، سرو چشم سے، دل و جان سے
یہ درِ نبیؐ کی مسافرت ہے، زہے نصیب! کٹھن تو ہے
Rahe ishq tay karo shan se, sar o chashm se, dil o jaan se
Ye dar-e-Nabi (saw) ki musaferat hai, zahe naseeb! kathin to hai
جو نبیؐ کے در کا گدا ہوا، وہی باخُدا بخدا ہُوا
کوئی بندگی کی ادا تو ہے، کوئی زندگی کا چلن تو ہے
Jo Nabi (saw) ke dar ka gada hua, wahi bakhuda bakhuda hua
Koi bandagi ki ada to hai, koi zindagi ka chalan to hai
یہ درست ، آج جدا ہُوں مَیں، دل و جاں سے اُس پہ فدا ہُوں مَیں
مِری خاک، میرا خمیر ہے، یہ مدینہ میرا وطن تو ہے
Ye durst, aaj juda hoon main, dil o jaan se us pe fida hoon main
Meri khaak, mera khameer hai, ye Madina mera watan to hai
تِرے دَر پہ جھُومتا جاؤں گا، مِرے پاس جو ہے لُٹاؤں گا
نہیں تخت و تاج، تو غم نہیں، مِرا تن تو ہے مِرا من تو ہے
Tere dar pe jhoomta jaoonga, mere paas jo hai lutaonga
Nahi takht o taj, to gham nahi, mera tan to hai mera man to hai
وہ شکیل بھی ہو، وجیہہ بھی، وہ ہو مصطفیٰؐ کی شبیہ بھی
کوئی اِس مقام کا ہو نہ ہو، مگر مِرا جَد، امام ِحسن ؓ تو ہے
Woh Shakeel bhi ho, wajeeh bhi, woh ho Mustafa (saw) ki shabeeh bhi
Koi is maqam ka ho na ho, magar mera jad, Imam Hasan (r) to hai
یہی نعت ہے جو نصیرؔ کی، وہ صدا ہے اُس کے ضمیر کی
چلو وہ خدائے سخن نہیں، کہو نا خدائے سخن تو ہے
Yehi naat hai jo Naseer (r) ki, woh sada hai us ke zameer ki
Chalo woh khudae sakhan nahi, kaho na khudae sakhan to hai
Share This Naat
Share with friends and family
جو اویس ؓ کا ہے معاملہ نہ سہی، اک اُن کی لگن تو ہے
سید نصیرالدیں نصیر