لے کے انگڑائی زمیں جاگ اٹھی ہو جیسے
تیرے قدموں کی حسیں چاپ سُنی ہو جیسے
Le ke angdrai zameen jag uthi ho jaise
Tere qadmoun ki haseen chaap suni ho jaise
ایسا لگتا ہے شفاعت کی تمنا لے کر
ساری دنیا تیری چوکھٹ پہ کھڑی ہو جیسے
Aisa lagta hai shafa'at ki tamanna le kar
Saari duniya teri chaukhat pe khari ho jaise
میں نے محسوس کیا ایسا لگا ہے مجھ کو
میری جنت تیرے قدموں میں پڑی ہو جیسے
Main ne mehsoos kiya aisa laga hai mujh ko
Meri jannat tere qadmoun mein pari ho jaise
جس کو دیکھوں میں وہی اڑتا چلا آتا ہے
میرے جیسوں کی وہاں بھیڑ لگی ہو جیسے
Jis ko dekhoun main wohi udta chala aata hai
Mere jaison ki wahan bheerd lagi ho jaise
تُو نے چھوڑا تھا جہاں عرش پہ جانے والے !
بزمِ ہستی اُسی نقطے پہ رُکی ہو جیسے
Tu ne chhora tha jahan arsh pe jane wale!
Bazm-e-hasti usi nuqtay pe ruki ho jaise
تیری خوشبو کی طرح پھیلی چلی جاتی ہے
صبحِ صادق تیری خاطر ہی بنی ہو جیسے
Teri khushbu ki tarah phaili chali jaati hai
Subh-e-sadiq teri khatir hi bani ho jaise
لوگ رو پڑتے ہیں مسجد سے اذانیں سُن کر
تیری پُر نُور صدا گونج رہی ہو جیسے
Log ro padte hain masjid se azaanein sun kar
Teri pur noor sada goonj rahi ho jaise
تیری خوشبو سے مہک اُٹھتا ہے اُس کا دامن
میرا دل تیرے مدینے کی ، گلی ہو جیسے
Teri khushbu se mehak uthta hai us ka daaman
Mera dil tere Madine ki, gali ho jaise
Share This Naat
Share with friends and family
لے کے انگڑائی زمیں جاگ اٹھی ہو جیسے
انجم نیازی