آجاؤ میرے آقا ، مولا میرے آجاؤ
اُجڑی ہوئی آساں دی ، آج جھوک وسا جاؤ
Ajao mere aaqa, maula mere ajao
Ujri hui asaan di, aaj jhok wusa jao
سب آگئے نے مستانے رل بیٹھے نے دیوانے
مازاغ نگاہواں دا اک جام پلا جاؤ
Sab aagaye ne mastane ral baithe ne deewane
Mazaagh nigahawaan da ik jaam pila jao
اکھیاں نے اُڈیک رہیاں سرکار سواری نوں
والیل دی لٹ چا کے اک جھلک دیکھا جاؤ
Akhiyaan ne udik rahiyan sarkar sawari nu
Waleel di lut cha ke ik jhalak dekha jao
منگتے وی تُساڈے ہاں محفل وی تساڈی اے
سب جھولیاں بھر جاؤ محفل وی سجا جاؤ
Mangte vi tusaade haan mehfil vi tusaadi ae
Sab jholiyaan bhar jao mehfil vi saja jao
گھر بار تے کی آقا جند جان وی وار دیاں
اک وار جے گھر میرے اک جھاتی پا جاؤ
Ghar bar te ki aaqa jind jaan vi waar diyaan
Ik waar je ghar mere ik jhaati pa jao
درداں دی دوا بن کے مرضاں دی شفا بن کے
بیمارِ محبت دا ہر درد مٹا جاؤ
Dardan di dawa ban ke marzan di shifa ban ke
Beemar-e-mohabbat da har dard mita jao
اعمال توں یا آقا جھولی اے میری خالی
وگڑی ہوئی صائم دی قسمت نوں بنا جاؤ
Aamaal to ya aaqa jholi ae meri khaali
Wagri hui Saaim di kismat nu bana jao
Share This Naat
Share with friends and family
آجاؤ میرے آقا ، مولا میرے آجاؤ
علامہ صائم چشتی