آج کل پرسوں کبھی ہو جائے گی
اک نہ اک دن حاضری ہو جائے گی
Aaj kal parson kabhi ho jaaye gi
Ek na ek din haazri ho jaaye gi
ہر نفس بن جائے گا اک راہبر
جب ادھر چشم نبی ہو جائے گی
Har nafas ban jaaye ga ek raahbar
Jab udhar chashm-e-Nabi ho jaaye gi
ہو گا جب پیشِ نظر باغِ رسول
خُلد جان دل کی کلی ہو جائے گی
Ho ga jab paish-e-nazar bagh-e-Rasool
Khuld jaan dil ki kali ho jaaye gi
گیسووں سے ابر رحمت چھائے گا
وہ ہنسیں گے روشنی ہو جائے گی
Gesoon se abr-e-rehmat chhaaye ga
Woh hanseinge roshni ho jaaye gi
جب سمیٹی جائے گی جنّت کی روح
شہرِ طیبہ کی گلی ہو جائے گی
Jab sameti jaaye gi jannat ki rooh
Shehr-e-Tayyaba ki gali ho jaaye gi
مر کے ہی اُٹھوں گا ارضِ پاک سے
حاضری بھی دائمی ہو جائے گی
Mar ke hi uthoon ga arz-e-paak se
Haazri bhi daimi ho jaaye gi
قبلہء اوّل کی ہمت تو کرو
ساتھ خود روحِ علی ہو جائے گی
Qibla-e-awwal ki himmat to karo
Saath khud rooh-e-Ali ho jaaye gi
کہہ رہے ہو نعت سوچو تو صبیحؔ
تم سے کیا مدح نبی ہو جائے گی
Keh rahe ho naat socho to Sabeeh
Tum se kya madh-e-Nabi ho jaaye gi
Share This Naat
Share with friends and family
آج کل پرسوں کبھی ہو جائے گی
سید صبیح الدین صبیح رحمانی