مقبول دُعا کرنا منظور ثنا کرنا
مِدحت کا صلہ دینا مقبول ثنا کرنا
maqbool dua karna manzoor sana karna
midhat ka sila dena maqbool sana karna
دِل ذِکرِ شریف اُن کا ہر صبح و مسا کرنا
دن رات جپا کرنا ہر آن رَٹا کرنا
dil zikr e shareef un ka har subh o masa karna
din raat japa karna har aan rata karna
سینہ پہ قدم رکھنا دل شاد مرا کرنا
دَردِ دِلِ مُضطَر کی سرکار دَوا کرنا
seena pe qadam rakhna dil shaad mera karna
dard e dil e muztar ki sarkar dawa karna
سَنسار بھکاری ہے جگ داتا دَیا کرنا
ہے کام تمہارا ہی سرکار عطا کرنا
sansaar bhikari hai jag data daya karna
hai kaam tumhara hi sarkar ata karna
کب آپ کے کوچہ میں منگتا کو صدا کرنا
خود بھیک لیے تم کو منگتا کو ندا کرنا
kab aap ke kocha mein mangta ko sada karna
khud bheek liye tum ko mangta ko nida karna
دن رات ہے طیبہ میں دولت کا لٹا کرنا
منگتا کی دَوا کرنا منگتا کا بھلا کرنا
din raat hai taiba mein dolat ka lata karna
mangta ki dawa karna mangta ka bhala karna
ہم عین جفا ہی ہیں ہم کو تو جفا کرنا
اور تم تو کرم ہم پر اے جانِ وَفا کرنا
hum ayn jafa hi hain hum ko to jafa karna
aur tum to karam hum par ae jaan e wafa karna
دن رات خطاؤں پر ہم کو ہے خطا کرنا
اور تم کو عطاؤں پر ہر دم ہے عطا کرنا
din raat khataon par hum ko hai khata karna
aur tum ko ataon par har dam hai ata karna
ہم اپنی خطاؤں پر نادِم بھی نہیں ہوتے
اور ان کو عطاؤں پر ہر بار عطا کرنا
hum apni khataon par nadim bhi nahi hote
aur un ko ataon par har baar ata karna
ہم آپ ہی اپنے پَر کرتے ہیں سِتَم حد بھر
اور ان کو کرم ہم پر ہے حد سے سوا کرنا
hum aap hi apne par karte hain sitam had bhar
aur un ko karam hum par hai had se sawa karna
ہے آٹھ پہر جاری لنگر مرے داتا کا
ہر آن ہے سرکاری باڑے کا لٹا کرنا
hai aath pahar jari langar mere data ka
har aan hai sarkari bare ka lata karna
محروم نہیں جس سے مخلوق میں کوئی بھی
وہ فیض انہیں دینا وہ جود و سخا کرنا
mehroom nahi jis se makhlooq mein koi bhi
woh faize unhein dena woh jood o sakha karna
ہے عام کرم ان کا اپنے ہوں کہ ہوں اَعدا
آتا ہی نہیں گویا سرکار کو ’’لَا ‘‘ کرنا
hai aam karam un ka apne hoon ke hoon aada
aata hi nahi goya sarkar ko "la " karna
محروم گیا کوئی مایوس پھرا کوئی
دیکھا نہ سنا اُن کا اِنکار و اَبٰی کرنا
mehroom gaya koi mayoos phira koi
dekha na suna un ka inkaar o aba karna
مایوس گیا کوئی محروم پھرا کوئی
دُنیا کے سلاطیں کو کب آیا عطا کرنا
mayoos gaya koi mehroom phira koi
duniya ke salaateen ko kab aaya ata karna
دُکھ دَرد کہیں کس سے یہ کام تو ہیں اُن کے
فریاد سنا کرنا اور داد دِیا کرنا
dukh dard kahin kis se ye kaam to hain un ke
faryaad suna karna aur daad diya karna
وَاللہ وہ سن لیں گے اور دل کی دوا دیں گے
بے کار نہ جائے گا فریاد و بکا کرنا
wallah woh sun lenge aur dil ki dawa denge
bekar na jaye ga faryaad o baka karna
اَعدا کو خدا والا جب تم نے بنا ڈالا
دُشوار ہے تم پر کیا مجھ بد کا بھلا کرنا
aada ko khuda wala jab tum ne bana dala
dushwar hai tum par kya mujh bad ka bhala karna
سوکھی ہے مری کھیتی پَڑ جائے بھرن تیری
اے اَبرِ کرم اِتنا تو بہرِ خدا کرنا
sookhi hai meri kheti par jaye bharan teri
ae abr e karam itna to behr e khuda karna
جو سوختہ ہِیزَم کو چاہو تو ہرا کردو
مجھ سوختہ جاں کا بھی دل پیارے ہرا کرنا
jo sokhta heezam ko chaho to hara kar do
mujh sokhta jaan ka bhi dil pyare hara karna
طیبہ میں بلا لینا اور اپنا بنا لینا
قیدی غمِ فرقت کے سرکار رِہا کرنا
taiba mein bula lena aur apna bana lena
qaidi gham e furqat ke sarkar riha karna
ہم عرض کیے جائیں سرکار سنے جائیں
کیا دُور کرم سے ہے دِن ایسا شہا کرنا
hum arz kiye jayen sarkar sune jayen
kya door karam se hai din aisa shaha karna
سنگِ دَرِ سروَر پر رکھا ہوا ہو یہ سر
اے کاش ہو قسمت میں اس طرح قضا کرنا
sang e dar e sarwar par rakha hua ho ye sar
ae kash ho qismat mein is tarah qaza karna
کھل جائیں چمن دِل کے اور حزن مٹیں دِل کے
طیبہ سے صبا آکے اِمداد ذرا کرنا
khul jayen chaman dil ke aur hazan miten dil ke
taiba se saba aake imdaad zara karna
ہر داغ مٹا دینا اور دِل کو شفا دینا
آئینہ بنا دینا ایسی تو جلا کرنا
har daagh mita dena aur dil ko shifa dena
aina bana dena aisi to jala karna
سروَر ہے وہی سروَر اے سروَرِ ہر سروَر
ہے آپ کے قدموں پر سر جس کو فدا کرنا
sarwar hai wahi sarwar ae sarwar e har sarwar
hai aap ke kadmon par sar jis ko fida karna
شہرہ لبِ عیسیٰ کا جس بات میں ہے مولا
تم جانِ مسیحا ہو ٹھوکر سے اَدا کرنا
shehra lab e eesa ka jis baat mein hai maula
tum jaan e maseeha ho thokar se ada karna
تو جانِ مسیحا سے حالت مری جا کہنا
اتنا تو کرم مجھ پَر اے بادِ صبا کرنا
to jaan e maseeha se haalat meri ja kehna
itna to karam mujh par ae baad e saba karna
پردہ میں جو رہتے ہو پردہ ہے چلے آؤ
آنکھوں میں بسا کرنا تم دِل میں رَہا کرنا
parda mein jo rehte ho parda hai chale aao
aankhon mein basa karna tum dil mein raha karna
اُف کیسی قیامت ہے یہ روزِ قیامت بھی
سورج ہے وہیں قائم بھولا ہے ڈَھلا کرنا
uff kaisi qiyamat hai ye roz e qiyamat bhi
sooraj hai wahi qaem bhula hai daala karna
لِلّٰہ ہمیں مولیٰ دامن کے تلے لے لو
ہم کیسی بلا میں ہیں ہاں رَدِّ بلا کرنا
lillah humein maula daaman ke tale le lo
hum kaisi bala mein hain haan radd e bala karna
یہ ظلِ کرامت ہے ہم سایۂ رحمت ہے
یہ سایۂ رأفت ہے دامن ذرا وا کرنا
ye zill e karaamat hai hum sayah e rehmat hai
ye sayah e raafat hai daaman zara wa karna
اے ظلِ خدا سایہ ہے آج کہاں پایا
ہم سائے کو آئے ہیں تم سایہ ذرا کرنا
ae zill e khuda sayah hai aaj kahan paya
hum saaye ko aaye hain tum saaya zara karna
لب تشنہ ہے گو ساقی تشنہ تری رُویت کا
رُویت جو نہ ہو تیری تو جام کا کیا کرنا
lab tashna hai go saaqi tashna teri ru'at ka
ru'at jo na ho teri to jaam ka kya karna
ہوں تشنہ مگر ساقی دِیدار کے شربت کا
اِک جام مجھے پیارے لِلّٰہ عطا کرنا
hoon tashna magar saaqi deedaar ke sharbat ka
ik jaam mujhe pyare lillah ata karna
تشنہ میں نہیں اس کا تشنہ ہوں میں رُویت کا
ساقی مجھے کوثر کے ساغر کو ہے کیا کرنا
tashna main nahi is ka tashna hoon main ru'at ka
saaqi mujhe kausar ke saghar ko hai kya karna
ہے پیاس سے حال اَبتر نکلی ہے زباں باہر
اِک جام مجھے سروَر کوثر کا عطا کرنا
hai pyas se haal abtar nikli hai zaban baahir
ik jaam mujhe sarwar e kausar ka ata karna
جو دل سے تجھے چاہیں جو عیب ترے ڈَھانپیں
اے نفس تجھے ان سے کمبخت دَغا کرنا
jo dil se tujhe chaahen jo aib tere dhaanpein
ae nafs tujhe un se kambakht dagha karna
وہ تیرا برا چاہیں ممکن ہی نہیں اُن سے
اَعدا کی بھلائی کی جن کو ہے دُعا کرنا
woh tera bura chaahen mumkin hi nahi un se
aada ki bhalaai ki jin ko hai dua karna
دُنیا بنے یا بگڑے دُنیا رہے یا جائے
تو دِین بنا پیارے دُنیا کا ہے کیا کرنا
duniya bane ya bigde duniya rahe ya jaaye
to deen bana pyare duniya ka hai kya karna
کھایا پیا اور پہنا اَچھوں سے رَہا اَچھا
کچھ دِین کا بھی کرلے دنیا کا ہے کیا کرنا
khaya piya aur pehna achon se raha acha
kuch deen ka bhi kar le duniya ka hai kya karna
قسمت میں غمِ دُنیا جنت کا قبالہ ہو
تقدیر میں لکھا ہو جنت کا مزا کرنا
qismat mein gham e duniya jannat ka qabala ho
taqdeer mein likha ho jannat ka maza karna
دنیا میں جو روتے ہیں عقبیٰ میں وہ ہنستے ہیں
دنیا میں جو ہنستے ہیں ہے اُن کو ُکڑھا کرنا
duniya mein jo rote hain uqba mein woh hanste hain
duniya mein jo hanste hain hai un ko tirha karna
موسیٰ ہوئے غش جس سے اور طور جلا جس سے
وہ جلوہ مرے دِل پر اے نورِ خدا کرنا
moosa hue ghash jis se aur toor jala jis se
woh jalwa mere dil par ae noor e khuda karna
برباد نہ ہو مٹی اس خاک کے پتلے کی
اللہ مجھے ان کی خاکِ کف ِ پا کرنا
barbaad na ho mitti is khaak ke patle ki
allah mujhe un ki khaak e kaf e pa karna
کیوں نقشِ کفِ پا کو دِل سے نہ لگائے وہ
ہے آئینۂ دِل کی نوریؔ کو جلا کرنا
kyun naqsh e kaf e pa ko dil se na lagaaye woh
hai aina e dil ki noori ko jala karna
Share This Naat
Share with friends and family
مقبول دُعا کرنا منظور ثنا کرنا
مفتی مصطفٰی رضا خان