زندگی کا سب سے مشکل مرحلہ طے کر گیا
جانے والا کتنا اُجلا راستہ طے کر گیا
Zindagi ka sab se mushkil marhala tay kar gaya
Janay wala kitna ujla rasta tay kar gaya
دونوں عالم رہ گئے تکتے سفر کی دُھول کو
اور وہ پل بھر سے پہلے فاصلہ طے کر گیا
Dono aalam reh gaye taktay safar ki dhool ko
Aur woh pal bhar se pehle fasla tay kar gaya
اَب نہ آئے گا کوئی لے کے نبوّت کا چراغ
وہ ہمیشہ کے لیے یہ مسٔلہ طے کر گیا
Ab na aaye ga koi le ke nabuwat ka charagh
Woh hamesha ke liye yeh mas'la tay kar gaya
چھوڑ کر وہ اپنے پیچھے روشنی کے دائرے
جاتے جاتے نور کا اک سلسلہ طے کر گیا
Chor kar woh apne peechay roshni ke dayray
Jatay jatay noor ka ik silsila tay kar gaya
کم نہ ہو گا مرتبہ اُس کے ستاروں کا کبھی
آپؐ ہی انجؔم وہ اُن کا مرتبہ طے کر گیا
Kam na ho ga martaba us ke sitaron ka kabhi
Aap ﷺ hi Anjum woh un ka martaba tay kar gaya
Share This Naat
Share with friends and family
زندگی کا سب سے مشکل مرحلہ طے کر گیا
انجم نیازی