naat
جس دن دیاں اکھیاں لگیاں نے اُس دن دیاں اکھیاں کھلیاں نے
جس دن دیاں اکھیاں لگیاں نے اُس دن دیاں اکھیاں کھلیاں نے
اک یاد سجن دی رہ گئی اے ہن سبھے گلا بُھلیاں نے
Jis din diyaan akhiyaan lagiyaan ne uss din diyaan akhiyaan khuliyan ne
Ik yaad sajan di reh gayi ae hun sabhe gala bhuliyan ne
میرا یوسف شاہ اسوار کدوں رب جانے پھیرا پاوے گا
اساں سنت سمجھ زلیخا دی وچہ راہ دے پائیاں کُلیاں نے
Mera Yusuf Shah aswaar kadon Rab jaane phera pawae ga
Assan sant samajh Zulaikha di vich raah de paaiyaan kuliyaan ne
اک تاہنگ سی یار دے ملنے دی جہنے مردیاں مردیاں روک لیا
کئی وار طوفاناں گھیریا اے کئی وار ہنیریاں جُھلیاں نے
Ik taahng si yaar de milne di jine mardiyan mardiyan rok liya
Kai waar toofanaan gheriya ae kai waar haneriyaan jhuliyan ne
خورے کی چڑھ کے سُولی تے منصوری کہہ گیا دنیا نوں
اُس دن تون دار دی تکڑی وچہ کئی لکھاں جاناں تُلیاں نے
Khore ki charh ke sooli te Mansoori keh gaya duniya nu
Uss din toon daar di takri vich kai lakhaan jaana tulyiaan ne
میں کُھل کے جس دن رویا ساں سر رکھ کے یار دے قدماں تے
بس میری کُل حیاتی وچہ اوہ دو گھڑیاں ان ملیاں نے
Main khul ke jis din roya saan sar rakh ke yaar de kadmaan te
Bas meri kul hayati vich oh do ghariyaan an miliyaan ne
اوہ صائم تڑفن ہر ویلے جو یار دی نظرے نئیں چڑھیاں
جو یار دی نظرے چڑھ گئیاں اوہ پھیر ناں ہلیاں جُلیاں نے
Oh Saima tadfan har vele jo yaar di nazaray nai charhiyan
Jo yaar di nazaray charh gayiyan oh pher na huliyan juliyan ne
Share This Naat
Share with friends and family
جس دن دیاں اکھیاں لگیاں نے اُس دن دیاں اکھیاں کھلیاں نے
علامہ صائم چشتی