ذرّے جھڑ کر تری پیزاروں کے
تاجِ سر بنتے ہیں سَیّاروں کے
Zar'ay jharkar teri pizaron ke
Taj-e-sar bante hain sayyaron ke
ہم سے چوروں پہ جو فرمائیں کرم
خِلْعَتِ زر بنیں پُشتاروں کے
Hum se choron pe jo farmaayein karam
Khillat-e-zar banein pushtaaron ke
میرے آقا کا وہ در ہے جس پر
ماتھے گھس جاتے ہیں سرداروں کے
Mere aaqa ka woh dar hai jis par
Maathe ghis jaate hain sardaaron ke
میرے عیسیٰ تِرے صدقے جاؤں
طور بے طور ہیں بیماروں کے
Mere Isa tere sadqay jaoon
Toor be toor hain bimaaron ke
مجرمو ! چشمِ تبسم رکھو
پھول بن جاتے ہیں انگاروں کے
Majramo! Chashm-e-tabasum rakho
Phool ban jaate hain angaaron ke
تیرے اَبرو کے تَصَدُّق پیارے
بند کرّے ہیں گرفتاروں کے
Tere abroo ke tasadduq pyaare
Band karay hain giraftaaron ke
جان و دل تیرے قدم پر وارے
کیا نصیبے ہیں ترے یاروں کے
Jaan o dil tere qadam par waare
Kya naseebay hain tere yaaron ke
صِدق و عَدل و کرم و ہمّت میں
چار سو شُہرے ہیں اِن چاروں کے
Sidq o adl o karam o himmat mein
Chaar so shuharay hain in chaaron ke
بہرِ تَسلیمِ علی میداں میں
سر جھکے رہتے ہیں تلواروں کے
Bahar-e-tasleem-e-Ali maidan mein
Sar jhuke rehte hain talwaron ke
کیسے آقاؤں کا بندہ ہوں رضاؔ
بول بالے مِری سرکاروں ک
Kaise aqaon ka banda hoon Raza
Bol baalay meri sarkaaron ke
Share This Naat
Share with friends and family
ذرّے جھڑ کر تری پیزاروں کے
احمد رضا خان بریلوی