زمیں کا یہ مقدر ہے کہ خضرٰی کے مکیں تُم ہو
شبِ اسرٰی دنٰی کے بھی ہوئے مسند نشیں تُم ہو
Zameen ka ye muqaddar hai ke Khizra ke makeen tum ho
Shab-e-Asra Dunya ke bhi huye masnad nasheen tum ho
گناہوں کو جو تکتا ہوں ، لرز جاتا ہے دل میرا
مگر آقا ! میں شاداں ہوں ، شفیع المذنبیں تم ہو
Gunahon ko jo takta hoon, laraz jata hai dil mera
Magar aaqa! main shadan hoon, Shafi-ul-muznibeen tum ho
شبِ اسرٰی وہ اقصٰی میں نبی و مرسلیں سارے
کھڑے تھے منتظر جس کے وہ ختم المرسلیں تم ہو
Shab-e-Asra woh Aqsa mein Nabi o Mursaleen sare
Khade the muntazir jis ke woh khatam-ul-mursaleen tum ho
نہیں اکنافِ عالَم میں کوئی شہکار تُم جیسا
’’مشیت جس پہ نازاں ہے وہ فخرالمرسلیں تُم ہو‘‘
Nahi aknaaf-e-alam mein koi shehkar tum jaisa
"Masheeat jis pe nazaan hai woh Fakhr-ul-mursaleen tum ho"
کہ جس کے رُخ کے پَرتَو سے وہ ماہ و مہر و انجم بھی
ضیا لیتے ہیں سب کے سب وہی روشن جبیں تُم ہو
Ke jis ke rukh ke partaw se woh maah o mehr o anjum bhi
Zia lete hain sab ke sab wohi roshan jabeen tum ho
صحیفوں میں خدا جس کی بہت قسمیں اُٹھاتا ہے
حبیبِ کبریا جو ہے فقط وہ نازنیں تُم ہو
Saheefon mein Khuda jis ki bohat qasmein uthata hai
Habeeb-e-Kibriya jo hai faqat woh naazneen tum ho
نہ تُم سا ہو سکا کوئی ، نہ ہوگا بعد میں کوئی
مرے رب نے جسے یکتا بنایا ہے ، حَسیں تُم ہو
Na tum sa ho saka koi, na hoga baad mein koi
Mere Rab ne jise yakta banaya hai, haseen tum ho
تمہاری عظمتیں مانی گئیں اعلان سے پہلے
یہ سب تسلیم کرتے تھے کہ صادق ہو امیں تُم ہو
Tumhari azmaten maani gayin ilan se pehle
Ye sab tasleem karte the ke Sadiq ho Ameen tum ho
وہ قُرآں گر پہاڑوں پر اُترتا تو لرز جاتے
اُٹھا جس سے وحی کا بار ، تُم ، صد آفریں تُم ہو
Woh Quran gar paharon par utarta to laraz jate
Utha jis se Wahi ka baar, tum, sad aafreen tum ho
مرے دل میں خُدا ہے یا تمہاری یاد رہتی ہے
خُدا کا ہے کرم مجھ پر کہ میرے دلنشیں تُم ہو
Mere dil mein Khuda hai ya tumhari yaad rehti hai
Khuda ka hai karam mujh par ke mere dilnasheen tum ho
جلیلِ ناتواں پر بھی مرے آقا ﷺ نظر کیجے
کہ ہم جیسے نکموں کے مسیحا بالیقیں تُم ہو
Jaleel-e-Na'tawa par bhi mere aa’qa ﷺ nazar kije
Ke hum jaise nikammon ke Maseeha baliqeen tum ho
Share This Naat
Share with friends and family
زمیں کا یہ مقدر ہے
حافظ عبدالجلیل