مضموں میں جس کے حبِ شہِؐ دوسرا نہیں
مقبولِ بارگاہِ خدا وہ ثنا نہیں
Mazmoon mein jis ke hub-e sheh-e ﷺ dosra nahi
Maqbool-e bargah-e Khuda wo sana nahi
مشکل کشائی میری سدا آپؐ نے ہے کی
دونوں جہاں میں آپؐ سا مشکل کشا نہیں
Mushkil kushai meri sada aap ﷺ ne hai ki
Dono jahan mein aap ﷺ sa mushkil kusha nahi
اس کو بروئے گنبدِ خضرا جھکا کے دیکھ
امّیدِ دل کا نخل جو ہوتا ہرا نہیں
Us ko baroye gumbad-e khizra jhuka ke dekh
Umeed-e dil ka nakhl jo hota hara nahi
غلمان و حور و قدسی و جن و بشر تمام
کس نے درِ حضورؐ پہ سر کو دھرا نہیں
Ghulman o hoor o qudsi o jin o bashar tamam
Kis ne dar-e huzoor ﷺ pe sar ko dhara nahi
ٹھہرے نہ حبِّ غیرِ نبیؐ دل کے شہر میں
یہ قبلہ گاہِ عشق ہے کوئی سرا نہیں
Thehray na hub-e ghair-e nabi ﷺ dil ke shehar mein
Ye qibla gah-e ishq hai koi sara nahi
ارضِ مدینہ پاک پہ اک لمحے کا قیام
جاں بیچ کے بھی گر ملے سودا برا نہیں
Arz-e Madina paak pe ik lamhay ka qiyam
Jaan bech ke bhi gar mile sauda bura nahi
بندہ نواز چاہیں تو دیدار بخش دیں
ورنہ نصیب اپنا تو اتنا کھرا نہیں
Banda nawaz chahain to deedaar bakhsh dain
Warna naseeb apna to itna khura nahi
وافر ہیں گرچہ گلشنِ فردوس میں نِعَم
طاہرؔ نبیؐ کے شہر سے ہرگز سوا نہیں
Wafir hain garchah gulshan-e firdous mein ni’m
Tahir ﷺ nabi ke shehar se hargiz sawa nahi
Share This Naat
Share with friends and family
مضموں میں جس کے حبِ شہِؐ دوسرا نہیں
پروفیسر محمد طاہر صدیقی