ساریاں ستاریاں چ نُور آپ دا
جلوہ اے نکا جناں طور آپ دا
Sariyaan sataariyaan ch noor aap da
Jalwa ae nika jinaan toor aap da
چاہیا جدوں اپنا جمال ویکھناں
کر دتا رب نے ظہور آپ دا
Chaahiya jadon apna jamaal wekhnaan
Kar ditta Rab ne zahoor aap da
پُھلاں وچ مہکدی بہار آپ دی
خُلد وچ کیف تے سرور آپ دا
Phullan wich mehikdi bahaar aap di
Khald wich kaif te suroor aap da
دل وچ میرے نے حضور وسدے
شہر بھاویں اکھیاں توں دُور آپ دا
Dil wich mere ne Huzoor wasde
Shehar bhawen akhiyaan ton door aap da
مینوں وی مدینے چ حضور سد لئو
میں وی تے غلام ہاں حضور آپ دا
Mainu wi Madine ch Huzoor sad leyo
Main wi te ghulaam haan Huzoor aap da
ربّ کر لیناں راضی نبی پاک نوں
جنتاں چ پہنچ جاناں پُور آپ دا
Rabb kar lene raazi Nabi Paak nu
Janataan ch pohnch jaanaan poor aap da
صائم ایویں سُنن والے کدوں جُھوم دے
شعراں وچ ہندا اے شعور آپ دا
Sa'im ewein sunan waale kadon jhoom de
Shu'raan wich hunda ae shuoor aap da
Share This Naat
Share with friends and family
ساریاں ستاریاں چ نُور آپ دا
علامہ صائم چشتی