تری ذات مصدرِ ہر ضیا ترا نام مطلعِ نور ہے
ترا درد حاصلِ بندگی ترا غم متاعِ سرور ہے
Teri zaat masdarr-e har diya tera naam matla-e noor hai
Tera dard hasil-e bandagi tera gham mata-e saroor hai
یہ یقیں فروز قیاس ہے تو ہر اک مقام سے پاس ہے
نظر آرہے ہیں جو فاصلے یہ مری نظر کا قصور ہے
Yeh yaqeen faroz qiyas hai tu har ik maqam se paas hai
Nazar aarhe hain jo faasle ye meri nazar ka qasoor hai
جو جہاں نما جو خدا نما وہ جمال ان کا جمال ہے
جو کٹے خیالِ حضورؐ میں وہ حیات نور ہی نور ہے
Jo jahan numa jo Khuda numa wo jamaal unka jamaal hai
Jo katay khayal-e Huzoor (SAW) mein wo hayaat noor hi noor hai
مرا ذکر و فکر مرا سخن مرا سوز و ساز یہ میرا فن
تری نعت بن کے سنور گئے یہ ترے کرم کا ظہور ہے
Mera zikr o fikr mera sukhan mera soz o saaz ye mera fun
Teri naat ban ke sanwar gaye ye tere karam ka zahoor hai
ترے راستے میں جو آگیا وہ مراد زیست کو پا گیا
اسے زندگی کے علوم پر ترے فیض ہی سے عبور ہے
Tere raaste mein jo aagaya wo muraad zist ko paa gaya
Usay zindagi ke uloom par tere faiz hi se aboor hai
مرے پاس کچھ بھی نہیں تو کیا مرے لاج والے کی خیر ہو
مجھے ناز انکے کرم پہ ہے مجھے مصطفؐےٰ پہ غرور ہے
Mere paas kuch bhi nahi to kya mere laaj wale ki khair ho
Mujhe naaz unke karam pe hai mujhe Mustafaye (SAW) pe ghuroor hai
جو تمہارے غم کا اسیر ہے وہ بڑا امیرو کبیر ہے
جو تمہارے در کا فقیر ہے غمِ دو جہاں سے وہ دور ہے
Jo tumhare gham ka aseer hai wo bara ameer o kabeer hai
Jo tumhare dar ka faqeer hai gham-e do jahan se wo door hai
جو طلب سے پہلے کرے عطا جو صدا سے پہلے سنے صدا
مری لاج والا وہی تو ہے جو حبیبؐ ِ ربِّ غفور ہے
Jo talab se pehle kare ata jo sada se pehle sunay sada
Meri laaj wala wahi to hai jo Habeeb-e Rabb-e Ghafoor hai
تری آرزو تری جستجو تری گفتگو مری آبرو
مری مستیوں کا بھرم ہے جو تری یاد ہی کا سرور ہے
Teri aarzu teri justuju teri guftugu meri aabru
Meri mastiyon ka bharam hai jo teri yaad hi ka saroor hai
تھے جہاں میں اور بھی مشغلےتھے جہاں میں اور بھی تذکرے
ترے ذکر ہی سے سکوں ملا کوئی بات اس میں ضرور ہے
Thay jahan mein aur bhi mashghalay thay jahan mein aur bhi tazkray
Tere zikr hi se sukoon mila koi baat is mein zaroor hai
ہے تمہارا خالدِؔ بینوا اسے بے سبب ہی نواز دو
نہ اسے قرینہء آرزو نہ اسے طلب کا شعور ہے
Hai tumhara Khalid (R) e beniwa usay be sabab hi nawaaz do
Na usay qareena-e aarzu na usay talab ka shaoor hai
Share This Naat
Share with friends and family
تری ذات مصدرِ ہر ضیا ترا نام مطلعِ نور ہے
خالد محمود خالد