جو درود آقا پہ دن رات پڑھا کرتا ہے
نارِ دوزخ میں کہاں پھر وہ جلا کرتا ہے
jo darood aaqa pe din raat padha karta hai
naar-e-dozakh mein kahan phir wo jala karta hai
سبز گنبد ہو مناریں ہوں کہ نوری روضہ
دل ہمیشہ انہیں محسوس کیا کرتا ہے
sabz gunbad ho minarein hon ke noori roza
dil hamesha inhein mehsoos kiya karta hai
لوگ اُسے تاج بنا لیتے ہیں اپنے سر کا
جو رہِ عشقِ شہِ دیں پہ چلا کرتا ہے
log usay taaj bana lete hain apne sar ka
jo rah-e-ishq-e-sheh-e-deen pe chala karta hai
میرے سرکار کو مختار کیا ہے رب نے
کرم ان کا ہی زمانے کو عطا کرتا ہے
mere sarkar ko mokhtar kiya hai Rab ne
karam un ka hi zamane ko ata karta hai
چاند سورج ہوں ستارے ہوں شجر ہو کہ حجر
حکم سرکار کا ہر شے پہ چلا کرتا ہے
chaand sooraj hon sitare hon shajar ho ke hajar
hukm sarkar ka har she pe chala karta hai
شام ہوتے ہی حضور آپ کی یادوں کا قمر
افقِِ چرخِ محبت میں اگا کرتا ہے
shaam hoti hi huzoor aap ki yaadon ka qamar
ufuq-e-charakh-e-mohabbat mein uga karta hai
جس پہ عشاقِ شہنشاہِ امم چلتے ہیں
بچ کے اُس راہ سے شیطان چلا کرتا ہے
jis pe ashaaq-e-shehanshah-e-umm chalte hain
bach ke us raah se shaitan chala karta hai
ہے کرم گلشنِ عشقِ شہِ ذیشاں پہ شفیق ؔ
نعت کا پھول یہاں روز کھِلاکرتا ہے
hai karam gulshan-e-ishq-e-sheh-e-zeeshan pe Shafiq
naat ka phool yahan roz khila karta hai
Share This Naat
Share with friends and family
جو درود آقا پہ دن رات پڑھا کرتا ہے
شفیق ؔ رائے پوری