Hamad
یہ اثر ثنا کا دیکھا، کہ حسیں فضا ہے بے حد
یہ اثر ثنا کا دیکھا، کہ حسیں فضا ہے بے حد
زہے حمدِ ربِ کُل سے، سرِ دل ضیا ہے بے حد
Ye asar sana ka dekha, ke haseen fizaa hai be had
Zahe hamd-e-rab-e-kul se, sar-e-dil ziyaa hai be had
تھی تلاش جس سکوں کی، وہ سکوں مِلا ہے بے حد
مجھے جستجو تھی جس کی، وہی تو ہوا ہے بے حد
Thi talash jis sukun ki, woh sukun mila hai be had
Mujhe justuju thi jis ki, wohi tu hua hai be had
زہے حمدِ کبریا سے، یہ جہاں مہک رہا ہے
مرا دل سجا ہے بے حد، مرا گھر سجا ہے بے حد
Zahe hamd-e-kibriya se, ye jahan mehak raha hai
Mera dil saja hai be had, mera ghar saja hai be had
میںحرم کے سامنے ہوں، تمہیں حال کیا بتاؤں
جو سرورِ جان و دل ہے، وہاں وہ فضا ہے بے حد
Main haram ke samne hoon, tumhein haal kya bataoon
Jo sarwar-e-jaan o dil hai, wahan woh fizaa hai be had
ہے مداوا ہر مرض کا، ترا ذکر ہی دوا ہے
ترا ذکر اللہ اللہ، کہ توہی شِفا ہے بے حد
Hai madawa har marz ka, tera zikr hi dawa hai
Tera zikr Allah Allah, ke tu hi shifa hai be had
تری حمد سے خدایا، سکوں قلب نے ہے پایا
دلِ تیرہ پر مرے بھی، تری ضو عطا ہے بے حد
Teri hamd se Khudaya, sukun qalb ne hai paaya
Dil-e-teera par mere bhi, teri zou ata hai be had
ہے خدا کا نام اوّل، ہے پھر اس کے بعد افضل
ہے وہ نام مصطفیٰﷺ کا، کہ جسے پڑھا ہے بے حد
Hai Khuda ka naam awwal, hai phir us ke baad afzal
Hai woh naam Mustafaﷺ ka, ke jise padha hai be had
وہ رسا ہو کیسے تجھ تک، مری سوچ نارسا ہے
تو سمجھ میں آئے کیسے، کہ توہی ورا ہے بے حد
Woh rasa ho kaise tujh tak, meri soch na rassa hai
Tu samajh mein aaye kaise, ke tu hi waraa hai be had
وہی شکر کے ہے لائق، کوئی دوسرا نہیں ہے
کرو اس کا شکر طاہرؔ! کرمِ خدا ہے بے حد
Wohi shukar ke hai laa'iq, koi doosra nahin hai
Karo us ka shukar Tahir! karam-e-Khuda hai be had
Share This Naat
Share with friends and family
یہ اثر ثنا کا دیکھا، کہ حسیں فضا ہے بے حد
طاہر سلطانی