حیراں ہُوں نُدرتوں پر
تیری ہی قُدرتوں پر
Hairaan hoon nudraton par
Teri hi qudraton par
ہے اِنحصارِ عَالَم
پروردگارِ عَالَم
Hai inhisaar-e-aalam
Parwardigaar-e-aalam
یہ بستیاں یہ صحرا یہ کوہ یہ سمندر
رنگوں کا یہ تبسّم ہریالیوں کے اندر
Yeh bastiyan yeh sehra yeh koh yeh samandar
Rangon ka yeh tabassum haryalion ke andar
فِطرت کے ہیں نمونے
کیا کیا بنائے تُو نے
Fitrat ke hain namoone
Kya kya banaye tu ne
نقش و نگارِ عَالَم
پروردگارِ عَالَم
Naqsh-o-nigaar-e-aalam
Parwardigaar-e-aalam
لا تقنطوا کا ہم کو دے کر اصُول تُو نے
پھینکے ہیں جھولیوں میں رحمت کے پھُول تُو نے
Laa taqnatuu ka hum ko de kar usool tu ne
Phainke hain jholiyon mein rehmat ke phool tu ne
چھینا ہے مُشکلوں کو
سُوکھے ہُوئے دِلوں کو
Cheena hai mushkilon ko
Sookhe huye dilon ko
بخشی بہارِ عَالَم
پروردگارِ عَالَم
Bakhshi bahaar-e-aalam
Parwardigaar-e-aalam
تُجھ پر بھی ہم فِدا ہوں تیرے نبیؐ کو چاہیں
قرآں ہماری منزل سُنّت ہماری راہیں
Tujh par bhi hum fida hon tere Nabiﷺ ko chahen
Qur'aan hamaari manzil sunnat hamaari raahen
ایمان دے گواہی
ہم آخرت کے راہی
Emaan de gawaahi
Hum aakhrat ke rahi
دیکھیں غبارِ عالَم
پروردگارِ عَالَم
Dekhen ghubaar-e-aalam
Parwardigaar-e-aalam
تُو کھائے جِس کی قَسمیں مَیں بھی اُسی کے بس میں
جِس کے لِیے تصور توڑے سفر کی رَسمیں
Tu khaaye jis ki qasmein main bhi usi ke bas mein
Jis ke liye tasawwur tode safar ki rasmein
مانگوں جھلک ذرا سی
ہر سانْس اُس کی پیاسی
Maangun jhalak zara si
Har saans us ki pyaasi
وُہ جوئبارِ عَالَم
پروردگارِ عَالَم
Woh joeybaar-e-aalam
Parwardigaar-e-aalam
جس کی زباں کے صدقے حُسنِ کلام تیرا
محبوبِ خاص تیرا مُختارِ عام تیرا
Jis ki zabaan ke sadqe husn-e-kalaam tera
Mehboob-e-khaas tera mukhtaar-e-aam tera
وُہ ہستیٔ قد آور
جس پر کیے نچھاور
Woh hasti-e-qad aawar
Jis par kiye nichhawar
لَیل و نہار عَالَم
پروردگارِ عَالَم
Lail o nahar-e-aalam
Parwardigaar-e-aalam
جب آنکھ میں رقم ہوں جلووں کی سُرخیاں سی
دیوارِ زندگی میں کھُل جائیں کھڑکیاں سی
Jab aankh mein raqam hon jalwon ki surkhiyan si
Deewaar-e-zindagi mein khul jaayen khidkiyaan si
سُورج سا مجھ میں اُترے
جب کوئے جاں سے گُزرے
Sooraj sa mujh mein utar aaye
Jab koey jaan se guzre
وُہ شہسوارِ عاَلَم
پروردگارِ عَالَم
Woh shahsawaar-e-aalam
Parwardigaar-e-aalam
میرے رسُولؐ جیسا تھا اور نہ کوئی ہوگا
تیرے قلم میں یا رب وُہ رنگ ہی نہ ہوگا
Mere Rasool ﷺ jaisa tha aur na koi hoga
Tere qalam mein ya Rab woh rang hi na hoga
تخلیق سے ہے ظاہر
تو مُنفرد مصوّر
Takhleeq se hai zaahir
Tu munfarid musawwir
وہ شاہکارِ عالم
پروردگارِ عَالَم
Woh shahkaar-e-aalam
Parwardigaar-e-aalam
سِینہ سُلگ رہا ہے آنْسُو چھلک رہے ہیں
وہ میری معصیّت کو رحمت سے ڈھک رہے ہیں
Seena sulag raha hai aansoo chhalak rahe hain
Woh meri maasiyat ko rehmat se dhak rahe hain
قدموں پِہ گِر پڑا ہُوں
فردوس میں کھڑا ہُوں
Qadmon pe gir pada hoon
Firdaus mein khada hoon
میں شرمسارِ عَالَم
پروردگارِ عَالَم
Main sharmsaar-e-aalam
Parwardigaar-e-aalam
Share This Naat
Share with friends and family
حیراں ہُوں نُدرتوں پر
مظفر وارثی