کس سے مانگیں کہاں جائیں کس سے کہیں اور دُنیا میں حاجت روا کون ہے
سب کا داتا ہے تُو ، سب کو دیتا ہے تُو ، تیرے بندوں کا تیرے سِوا کون ہے
Kis se maangain kahan jaain kis se kahain aur duniya mein haajat rawa kaun hai
Sab ka daata hai tu, sab ko deta hai tu, tere bandon ka tere siwa kaun hai
کون مقبول ہے ، کون مَردُود ہے ، بےخبر! کیا خبر تجھ کو، کیا کون ہے
جب تُلیں گے عمل سب کے میزان پر، تب کھُلے گا کہ کھوٹا کھرا کون ہے
Kaun maqbool hai, kaun mardood hai, bekhabar! kya khabar tujh ko, kya kaun hai
Jab tulain ge amal sab ke maizaan par, tab khule ga ke khota khara kaun hai
کون سُنتا ہے فریاد مظلُوم کی ، کس کے ہاتھوں میں کُنجی ہے مقسُوم کی
رزق پر کس کے پَلتے ہیں شاہ و گدا، مسند آرائے بزمِ عطا کون ہے
Kaun sunta hai faryaad mazloom ki, kis ke hathon mein kunji hai maqsoom ki
Rizq par kis ke palte hain shah o gada, masnad araaye bazm-e-ata kaun hai
اولیا تیرے محتاج اے ربِّ کُل ! تیرے بندے ہیں سب انبیاء و رُسُل
اِن کی عزّت کا باعث ہے نسبت تری، اِن کی پہچان تیرے سِوا کون ہے
Aulia tere mohtaaj ae Rab-e-kul! Tere bande hain sab anbiyā o rusul
In ki izzat ka bais hai nisbat teri, in ki pehchaan tere siwa kaun hai
میرا مالک مِری سُن رہا ہے فُغاں ، جانتا ہے وہ خاموشیوں کی زُباں
اب مِری راہ میں کوئی حائل نہ ہو، نامہ بر کیا بَلا ہے ، صبا کون ہے
Mera maalik meri sun raha hai fughan, jaanta hai woh khamoshiyon ki zubaan
Ab meri raah mein koi haail na ho, nama bar kya bala hai, saba kaun hai
ابتدا بھی وہی ، انتہا بھی وہی ، ناخدا بھی وہی ہے ، خدا بھی وہی
جو ہے سارے جہانوں میں جلوہ نُما ، اُس اَحَد کے سَوا دُوسرا کون ہے
Ibtida bhi wahi, inteha bhi wahi, nakhuda bhi wahi hai, khuda bhi wahi
Jo hai sare jahanon mein jalwa numa, us ahad ke siwa doosra kaun hai
وہ حقائق ہوں اَشیا کے یا خُشک و تَر ، فہم و ادراک کی زد میں ہیں سب ، مگر
ما سِوا، ایک اُس ذاتِ بے رنگ کے، فہم و ادراک سے ماورٰی کون ہے
Woh haqaiq hon ashya ke ya khushk o tar, fahm o idraak ki zad mein hain sab, magar
Ma siwa, aik us zaat-e-be rang ke, fahm o idraak se mawara kaun hai
انبیا، اولیا، اہلِ بیتِ نبیؐ ، تابعین و صحابہ پہ جب آ بنی
گِر کے سجدے میں سب نے یہی عرض کی ، تُو نہیں ہے تو مشکل کُشا کون ہے
Ambiya, aulia, ahl-e-bait-e-nabi, tabe'een o sahaba pe jab aa bani
Gir ke sajde mein sab ne yehi arz ki, tu nahi hai to mushkil kusha kaun hai
اہلِ فکرو نظر جانتے ہیں تجھے ، کچھ نہ ہونے پہ بھی مانتے ہیں تجھے
اے نصیرؔ! اِس کو تُو فضلِ باری سمجھ، ورنہ تیری طرف دیکھتا کون ہے
Ahl-e-fikr o nazar jaante hain tujhe, kuch na hone pe bhi maante hain tujhe
Ae Naseer! is ko tu fazl-e-baari samajh, warna teri taraf dekhta kaun hai
Share This Naat
Share with friends and family
کس سے مانگیں کہاں جائیں کس سے کہیں
سید نصیرالدیں نصیر