یہ عشقِ مصطفیٰ میں خود آرائیِ خیال
میری نگاہ بھی ہے تماشائیِ خیال
Ye ishq-e-Mustafa mein khud aarayi-e-khayaal
Meri nigah bhi hai tamashai-e-khayaal
موجود اُن سے اِس کا تعلّق اگر رہے
ہو بارگاہِ حق میں شناسائیِ خیال
Maujood un se is ka ta'lluq agar rahe
Ho baargah-e-Haq mein shanasai-e-khayaal
بڑھ بڑھ کے سر زمینِ مدینہ کو چُوم لے
اس درجہ چاہیے مجھے گیرائی ِخیال
Barh barh ke sar zameen-e-Madina ko choom le
Is darja chahiye mujhe geerai-e-khayaal
ویران ہو چلا تھا مِرا ذہنِ نارسا
کی اُن کے ذِکر نے چمن آرائیِ خیال
Veraan ho chala tha mera zehan-e-naarsa
Ki un ke zikr ne chaman aarayi-e-khayaal
عرفانِ سرِّ ذات کہاں اور یہ کہاں
نادانیِ خیال ہے، دانائیِ خیال
Irfan-e-sirr-e-zaat kahan aur ye kahan
Nadani-e-khayaal hai, danai-e-khayaal
اُبھرا تھا اُن کے نقشِ کفِ پا کو چُومنے
اب سرنگوں ہے گُنبد مینائی ِخیال
Ubhra tha un ke naqsh-e-kaf-e-pa ko choomne
Ab sar nigoon hai gumbad meenaai-e-khayaal
اُن کے خیال میں نہ کسی کو شریک کر
وہ ہوں، تو فرضِ عین ہے تنہائی خیال
Un ke khayaal mein na kisi ko shareek kar
Wo hon, to farz-e-ain hai tanhai khayaal
وہ بارگاہ، عرش نشاں، ہم زمیں نشیں
لازم ہے اُن کے دَر پہ جبیں سائیِ خیال
Wo baargah, arsh nishan, hum zameen nasheen
Laazim hai un ke dar pe jabeen saai-e-khayaal
سُقراط، علم و فکر کی لیتا ہے اُس سے بھیک
دانائے راز ہے ترا سودائیِ خیال
Socrates, ilm o fikr ki leta hai us se bheek
Danaye raaz hai tera sadaai-e-khayaal
ہے تیرا ذہن اُن کے تصوّر سے مفتخر
تجھ کو نصیرؔ مِل گئی دارائیِ خیال
Hai tera zehan un ke tasawwar se mukhtasir
Tujh ko Naseer mil gayi daraai-e-khayaal
Share This Naat
Share with friends and family
یہ عشقِ مصطفیٰ میں خود آرائیِ خیال
سید نصیرالدیں نصیر