یاد سینے میں سمائی ترے دربار کی ہے
مجھ کو مطلوب گدائی ترے دربار کی ہے
Yaad seenay mein samaai tere darbaar ki hai
Mujh ko matloob gadaai tere darbaar ki hai
مشک و عنبر مرے لفظوں میں گھلا تب جا کر
گفتگو ہونٹوں پہ آئی ترے دربار کی ہے
Mushk o anbar mere lafzo mein ghula tab ja kar
Guftagu honton pe aai tere darbaar ki hai
کون پوچھے گا سرِ حشر خطا کاروں کو
ہم نے امید لگائی ترے دربار کی ہے
Kaun pooche ga sar-e-hashr khata karron ko
Hum ne umeed lagaai tere darbaar ki hai
در بدر ہوتا نہیں میرا ہنر مند قلم
راہ توصیف سے پائی ترے دربار کی ہے
Dar badar hota nahi mera hunar mand qalam
Raah tausif se paai tere darbaar ki hai
ایک میں ہی تو طلب گارِ درِ پاک نہیں
آرزو مند خدائی ترے دربار کی ہے
Aik mein hi to talabgaar-e-dar-e-paak nahi
Aarzoo mand khudaai tere darbaar ki hai
رشک سے دیکھ رہے ہوں گے فرشتے اس کو
جس کی قسمت میں رسائی ترے دربار کی ہے
Rashk se dekh rahe honge farishte is ko
Jis ki qismat mein rasai tere darbaar ki hai
قابلِ داد ہے احسان ہوا کا مجھ پر
بوئے خوش دور سے لائی ترے دربار کی ہے
Qaabil-e-daad hai ehsaan hawa ka mujh par
Boo'e khush door se laai tere darbaar ki hai
اپنی آنکھوں میں سجانی ہے ہمیشہ کے لئے
ایک تصویر بنائی ترے دربار کی ہے
Apni aankhon mein sajaani hai hamesha ke liye
Aik tasveer banaai tere darbaar ki hai
کاش اشفاقؔ مدینے کا مسافر ہو جائے
جس نے کچھ بات سنائی ترے دربار کی ہے
Kaash Ashfaq Madine ka musaafir ho jaye
Jis ne kuch baat sunaai tere darbaar ki hai
Share This Naat
Share with friends and family
یاد سینے میں سمائی ترے دربار کی ہے
اشفاق احمد غوری