یانبی لب پہ آہ و زاری ہے
روز و شب تیری یادگاری ہے
yaanabi lab pe aah o zari hai
roz o shab teri yaadgari hai
آستانے پہ تیرے سر رَگڑیں
ایسی قسمت کہاں ہماری ہے
aastane pe tere sir ragdein
aisi kismet kaha humari hai
تیرا دربار دیکھنے کے لیے
ایک عالم کو بے قراری ہے
tera darbar dekhne ke liye
ek alam ko be qarari hai
سارے عشاق ہیں کمربستہ
حکم کی تیرے اِنتظاری ہے
saare ishqaq hain kamar basta
hukm ki tere intizaari hai
عرش تا فرش ہیں ترے محکوم
ہر جگہ تیرا حکم جاری ہے
'arsh ta farsh hain tere mahkoom
har jagah tera hukm jari hai
جو ترا ہوگیا بنا مومن
تجھ سے جو پھر گیا وہ ناری ہے
jo tera hogaya bana momin
tujh se jo phir gaya wo naari hai
ہم کو بندہ بنادیا تیرا
واہ کیا شانِ کردِگاری ہے
ham ko banda banadiya tera
wah kya shan-e-kardigari hai
تم ہو قاسم تمہارا رب مُعْطی
دَین رب کی عطا تمہاری ہے
tum ho qasim tumhara Rab mu'ti
den Rab ki ata tumhari hai
کردیا تاجوَر جسے چاہا
واہ کیا تیری تاجداری ہے
kardiya tajwar jise chaha
wah kya teri tajdaari hai
تیرے صدقے میں یَارَسُوْلَ اللہ
تیری اُمت بھی حق کو پیاری ہے
tere sadqe mein ya rasul Allah
teri umat bhi haqq ko pyaari hai
نہ اُتارا عذاب دنیا میں
حق کو تیری یہ پاسداری ہے
na utara azab duniya mein
haqq ko teri ye pasdaari hai
عقلِ کل بھی رہے جہاں حیراں
حق سے تیری وہ راز داری ہے
'aql-e-kul bhi rahe jahan hairaan
haqq se teri wo raaz daari hai
بلبل اس جا وطن بنا کہ جہاں
دائِما موسمِ بہاری ہے
bulbul us ja watan bana ke jahan
daima mausam-e-bahaari hai
دُرِ دَنداں میں ہے چمک جیسی
کس گہر میں یہ آبداری ہے
dur-e-dandan mein hai chamak jaisi
kis gahar mein ye aabdari hai
کیوں نکیرین کرتے ہو جلدی
مجھ کو آقا کی اِنتظاری ہے
kyun nakeerain karte ho jaldi
mujh ko aaqa ki intizaari hai
مجھ سے پوچھیں وہ حشر میں یارب
کچھ تو کہہ کیسی بے قراری ہے
mujh se poochhein wo hashr mein ya Rab
kuch to keh kaisi be qarari hai
میں کروں عرض یَارَسُوْلَ اللہ
سر پہ گٹھری ُگنہ کی بھاری ہے
mein karun ar'z Ya rasul Allah
sar pe guthri gunah ki bhaari hai
ٹوٹی جاتی ہے پیٹھ عصیاں سے
اس سبب سے فُغاں و زَاری ہے
tooti jati hai peeth 'isyawn se
is sabab se fughan o zari hai
پھر تو فرمائیں یوں شفیعِ اُمم
بحرِ بخشش ہمارا جاری ہے
phir to farmaein yun shafi'ee umm
bahr-e-bakhshish hamara jari hai
تو ہمارا ہی نام لیوا ہے
تجھ کو ہر غم سے رستگاری ہے
to hamara hi naam lewa hai
tujh ko har gham se rastagari hai
شور ہو حشر میں کہ صَلِّ عَلٰی
کیا غلاموں کی غمگساری ہے
shor ho hashr mein ke salli 'ala
kya ghulamon ki ghamgosari hai
لاج رکھ لے جمیلؔ رضوی کی
یہ بھی اَدنیٰ ترا بھکاری ہے
laj rakh le Jamil Razvi ki
ye bhi adna tera bhikaari hai
Share This Naat
Share with friends and family
یانبی لب پہ آہ و زاری ہے
جمیل الرحمن قادری