جب عشق تقاضا کرتا ہے تو خود کو جلانا پڑتا ہے
جو بوجھ اٹھانا مشکل ہو وہ بوجھ اٹھانا پڑتا ہے
Jab ishq taqaza karta hai to khud ko jalana parta hai
Jo boojh uthane mein mushkil ho wo boojh uthana parta hai
انسان قدم جب رکھتا ہے اس عشقِ نبی کی وادی میں
تو دونوں جہاں کی دولت کو بے لوث لُٹانا پڑتا ہے
Insan qadam jab rakhta hai is ishq-e-nabi ki wadi mein
To dono jahan ki dolat ko be-lous lutana parta hai
محبوبِ دو عالم کی خاطر ہر دشمنِ جاں کو خوش ہو کر
سو بار محبت سے اپنے سینے سے لگانا پڑتا ہے
Mahboob-e-do alam ki khatir har dushman-e-jaan ko khush ho kar
So bar mohabbat se apne seene se lagana parta hai
کتنی ہی نشے کی شدت ہو کتنی ہی نشے کی حدت ہو
جب شہرِ مدینہ آجائے تو ہوش میں آنا پڑتا ہے
Kitni hi nashe ki shiddat ho kitni hi nashe ki haddat ho
Jab shehr-e-Madina aa jaye to hosh mein aana parta hai
جب رات کا سایہ ڈھل جائے جب رات کا پرچم لہرائے
تو عشقِ نبی کی بارش میں اس وقت نہانا پڑتا ہے
Jab raat ka saya dhal jaye jab raat ka parcham lehraye
To ishq-e-nabi ki barish mein is waqt nahana parta hai
سونے کی اجازت ملتی ہے کب جوشِ جنوں کی شدت میں
جو بال بدن کا سو جائے دوبارا جگانا پڑتا ہے
Sone ki ijaazat milti hai kab josh-e-junoon ki shiddat mein
Jo baal badan ka so jaye dobara jagana parta hai
ہر وقت کھُلا ہے مے خانہ گردش میں ہے اُن کا پیمانہ
پر جام اٹھانے سے پہلے ساقی کو منانا پڑتا ہے
Har waqt khula hai mai khana gardish mein hai un ka paimana
Par jaam uthane se pehle saqi ko manana parta hai
چلّا ؤں نہ چیخوں میں کیونکر راتوں کو مسلسل اٹھ اٹھ کر
جب آگ لگی ہو دامن میں تو شور مچانا پڑتا ہے
Chillaon na cheekhun mein kyun kar raton ko musalsal uth uth kar
Jab aag lagi ho daman mein to shor machana parta hai
جب نور کی وادی کھو جائے ہر سمت اندھیرا ہو جائے
تو دل کی اندھیری گلیوں میں اک دیپ جلانا پڑتا ہے
Jab noor ki waadi kho jaye har simt andhera ho jaye
To dil ki andheri galiyon mein ek deep jalana parta hai
طیبہ کی ہوائیں جب آکر کہتی ہیں یہاں کیوں بیٹھے ہو
تو عقل و خرد کی بستی کو پھر چھوڑ کے جانا پڑتا ہے
Taiba ki hawaien jab aakar kehti hain yahan kyon baithe ho
To aql o khird ki basti ko phir chhod ke jana parta hai
جب عشق کی شدت بڑھ جائے جب جان لبوں پر آجائے
تو دل کے تڑپنے کا انجؔم پھر لطف اٹھانا پڑتا ہے
Jab ishq ki shiddat barh jaye jab jaan labon par aa jaye
To dil ke tadapne ka Anjam phir lutf uthana parta hai
Share This Naat
Share with friends and family
جب عشق تقاضا کرتا ہے تو خود کو جلانا پڑتا ہے
انجم نیازی