کرتا رہا ہوں خواب میں تدبیر خواب کی
’’رہنے دو میرے پاس یہ جاگیر خواب کی‘‘
Karta raha hoon khwab mein tadbeer khwab ki
"Rehne do mere paas yeh jageer khwab ki"
سپنے میں اپنے حُسن کا جلوہ عطا کریں
مل جائے اس طرح مجھے تعبیر خواب کی
Sapne mein apne husn ka jalwa ata karen
Mil jaye is tarah mujhe tabeer khwab ki
سپنے میں دید ہو گئی ، ساری فضا میں آج
خوشبو رچی ہے خوب ہے تاثیر خواب کی
Sapne mein deed ho gayi, saari faza mein aaj
Khushboo rachi hai khoob hai taseer khwab ki
میں کون ہوں جو آپ کی مدح و ثنا لکھوں
چشمِ کرم ہے آپ کی ،تعبیر خواب کی
Mein kaun hoon jo aap ki madah o sana likhoon
Chashm-e-karam hai aap ki, tabeer khwab ki
بیٹے کو اپنا خواب سنایا خلیل نے
بیٹے نے کی ہے قلب سے توقیر خواب کی
Bete ko apna khwab sunaya khalil ne
Bete ne ki hai qalb se toqeer khwab ki
سپنوں میں دیکھتا ہوں مدینے کی سر زمیں
ٹوٹے نہ عمر بھر کبھی زنجیر خواب کی
Sapnon mein dekhta hoon madine ki sar zameen
Toote na umr bhar kabhi zanjeer khwab ki
بیدار ہو گیا ہوں میں یہ خواب دیکھ کر
دیکھی تھی میں نے ماتھے پہ تحریر خواب کی
Bedar ho gaya hoon mein yeh khwab dekh kar
Dekhi thi mein ne maathe pe tehreer khwab ki
سپنوں میں جن کو ہو گیا دیدار آپ کا
آنکھوں میں اُن کی بس گئی تصویرخواب کی
Sapnon mein jin ko ho gaya deedaar aap ka
Aankhon mein un ki bas gayi tasweer khwab ki
دردِ فراق و ہجر کی اپنی کسک بھی ہے
لیکن ستا رہی ہے یہ تاخیر خواب کی
Dard-e-firaq o hijr ki apni kasak bhi hai
Lekin sata rahi hai yeh takheer khwab ki
جس در پہ سانس لینا بھی سوئے ادب ہوا
اس در کی آرزو بھی ہے تقصیر خواب کی
Jis dar pe saans lena bhi soye adab hua
Us dar ki aarzu bhi hai taqseer khwab ki
اک روز میں بھی جاؤں گا ان کے دیار میں
کرتا رہا ہوں جاگ کے تعمیر خواب کی
Ek roz mein bhi jaoon ga un ke dayar mein
Karta raha hoon jaag ke tameer khwab ki
بُلوا لیا ہے آپ نے در پر جلیل کو
سو ہو گئی ہے انتہا دلگیر خواب کی
Bulwa liya hai aap ne dar par Jaleel ko
So ho gayi hai inteha dilgir khwab ki
Share This Naat
Share with friends and family
کرتا رہا ہوں خواب میں تدبیر خواب کی
حافظ عبدالجلیل