جس ویلے ایناں اکھیاں نوں روون دا قرینہ آ جاندا
فرقت دیاں اٹھدیاں لہراں چوں ہے پار سفینہ آ جاندا
Jis waile einan akhiyan nu roon da qareena aa janda
Furqat diyan uthdiyan lehran chon he paaR safeena aa janda
اوہدے حسن دے جلویاں دی کدھرے میں اج وی جے گل بات کراں
گل سن کے جنگ دے سوہنیاں دے متھے تے پسینہ آ جاندا
Ohde husn de jalwiyan di kidhre mein aj ve je gal baat karaN
Gal sun ke jhang de sohnian de mathay te pasina aa janda
کوئی سمجھے دور تے دوریاں نے ساڈے لئی نت حضوریاں نے
اکھ میٹاں پینڈے مک جاندے اکھ کھولاں مدینہ آ جاندا
Koi samjhe door te dooriyan ne saday laiiN nat hooriyaan ne
Akh meitan painde muk jande akh kholan madeena aa janda
میرا گھر وی رشک طور ہندا ہر ذرہ نور و نور ہندا
اک واری میرے گھر اندر جے یار نگینہ آ جاندا
Mera ghar ve rashk e toor honda har zarra noor o noor honda
Ek wari mere ghar andar je yaar nageena aa janda
اوہ کیڑا کرماں والا اے اوہ سمجھو بختاں والا اے
سرکار دے در توں جو لے کے رحمت دا خزینہ آ جاندا
Oh keRa karmawala ae oh samjho bakhtawalla ae
Sarkar de dar ton jo le ke rehmat da khazeena aa janda
پائیاں لکھ لکھ لکھ لکھ چھٹیاں نے نہ تیریاں گلیاں ڈھٹیاں نیں
اکھاں نال دل وی رو پیندا جد حج دا مہینہ آ جاندا
Paiyan lakh lakh lakh lakh chhittiyan ne na teriyan galiyan dhittiyan ne
Akhhan naal dil ve roo peenda jad hajj da mahina aa janda
سوہنے دے نیازی رہن لئی کر صاف توں دل دے شیشے نوں
اس دل وچ ماہی میں وسدا جس دل وچ کینہ آ جاندا
Sohne de Niazi rehn lai kar saaf tu dil de sheeshe nu
Is dil vich maahi mein vasda jis dil vich keha aa janda
Share This Naat
Share with friends and family
جس ویلے ایناں اکھیاں نوں روون دا قرینہ آ جاندا
عبدالستار نیازی