وصال کی جو دلوں میں رہتی ہیں غاریں روشن
تو ہجر میں اُن کو زندہ رکھتی ہیں آہیں روشن
Wisaal ki jo dilon mein rehti hain gharen roshan
To hijr mein un ko zinda rakhti hain aahen roshan
ہے اُن کی سیرت ، ہماری خاطر نشانِ منزل
کہ کر رہی ہے جو اہلِ ایماں کی راہیں روشن
Hai un ki seerat, hamari khatir nishan-e-manzil
Ke kar rahi hai jo ahl-e-iman ki rahen roshan
اُنہی کے رُخ کی ضیا سے چمکا ہے دن کا چہرہ
اُنہی کی زلفوں سے ہو رہی ہیں یہ راتیں روشن
Unhi ke rukh ki zia se chamka hai din ka chehra
Unhi ki zulfon se ho rahi hain ye raatein roshan
نظر نے چوما ہے جب سے پیارے نبی کا روضہ
سو تب سے رہنے لگی ہیں اپنی نگاہیں روشن
Nazar ne chuma hai jab se pyare Nabi ka roza
So tab se rehne lagi hain apni nigaahen roshan
یہ خاکِ طیبہ بنا کے دیکھو نظر کا سُرمہ
یقیں ہے مُجھ کو سدا رہیں گی یہ آنکھیں روشن
Ye khak-e-Tayba bana ke dekho nazar ka surma
Yaqeen hai muj ko sada rahen gi ye aankhen roshan
ہیں صُبحیں روشن حضورِ اکرم کے دم قدم سے
ہمیں یقیں ہے اُنہی کے دم سے ہیں شامیں روشن
Hain subhen roshan Huzoor-e-Akram ke dam qadam se
Hamein yaqeen hai unhi ke dam se hain shaamen roshan
جلیل ، اُن کے دہن کی باتوں کا یہ ثمر ہے
کہ آج بزمِ سخن میں ہوتی ہیں باتیں روشن
Jaleel, un ke dahan ki baaton ka ye samar hai
Ke aaj bazm-e-sukhan mein hoti hain baatein roshan
Share This Naat
Share with friends and family
وصال کی جو دلوں میں رہتی ہیں غاریں روشن
حافظ عبدالجلیل