ارضِ بطحا کی طرح کوئی زمیں ہے تو کہو
سارے عالم میں کوئی اُن سا حسیں ہے تو کہو
Arz-e-Batha ki tarah koi zameen hai to kaho
Saray aalam mein koi un sa haseen hai to kaho
اُن کے اندازِ سخاوت کی نہیں مثل کوئی
اُنکے اخلاق سی فرخندہ جبیں ہے تو کہو
Un ke andaaz-e-sakhawat ki nahi misl koi
Unke ikhlaq se farakhunda jabeen hai to kaho
اُنکے ہاں اپنے درودوں کو امانت رکھ دو
میری سرکارؐ سا دُنیا میں امیں ہے تو کہو
Unke haan apne duroodon ko amanat rakh do
Meri Sarkaar ﷺ sa duniya mein ameen hai to kaho
رب کے محبوب سے مانگا ہے تو پھر فکر نہ کر
لبِ سرکار پہ گر لفظِ ’’نہیں‘‘ ہے تو کہو
Rab ke mehboob se manga hai to phir fikr na kar
Lab-e-Sarkaar pe gar lafz-e "nahi" hai to kaho
میرے آقاؐ کو تذبذب میں پکارے نہ کوئی
ہاں اگر ان کی عطائوں پہ یقیں ہے تو کہو
Mere aaqa ﷺ ko tazabzub mein pukaray na koi
Haan agar un ki ataaon pe yaqeen hai to kaho
رونقِ ارض و سما کا ہے مدینہ مسکن
ایسی پُرنور فضا اور کہیں ہے تو کہو
Ronak-e-arz o sama ka hai Madina maskan
Aisi purnoor faza aur kahin hai to kaho
گنبدِ سبز بڑے فخر سے کہتا ہے یہی
رب کی خلقت میں کہیں ایسا مکیں ہے تو کہو
Gunbad-e-sabz bade fakhr se kehta hai yahi
Rab ki khalqat mein kahin aisa makeen hai to kaho
رب کے محبوب ہی مقصودِ دو عالم ہیں شکیلؔ
کچھ بھی آقاؐ کے سوا حاصلِ دیں ہے تو کہو
Rab ke mehboob hi maqsud-e-do aalam hain Shakeelؔ
Kuch bhi aaqa ﷺ ke siwa haasil-e-deen hai to kaho
Share This Naat
Share with friends and family
ارضِ بطحا کی طرح کوئی زمیں ہے تو کہو
محمد شکیل نقشبندی