ناں اک پل وی کدی آرام آوے یارسول الله
غماں دی اگ ہر ویلے جگاوے یا رسول اللہ
Naa ak pal wi kadi aaraam aaway ya Rasool Allah
Ghuma di agg har walay jagaway ya Rasool Allah
مری تقدیر ٹُٹی کون جوڑے آپ دے باہجھوں
مقدر کون بن تیرے جگاوے یا رسول اللہ
Meri taqdeer tutti kaun joday aap day baaju
Muqaddar kaun ban teray jagaway ya Rasool Allah
میرے ارمان روندے نے سسکدے نے مچلدے نے
جدوں وی قافلہ طیبہ نوں جاوے یا رسول اللہ
Mere armaan ronday nay suskday nay machalday nay
Jadun wi qafla tayyaba nu jaaway ya Rasool Allah
میرے عملاں دی ناقہ کس طراں منزل تے پہنچے گی
میں جُرماں نال بھر لئے نے کچاوے یارسول اللہ
Mere amla di naqa kis taran manzil tay pohnchai gi
Mein jurmaa naal bhar liye nay kachaoway ya Rasool Allah
نویں ارمان نویاں آرزوآں لے کے اُٹھدا ہاں
نصیبہ فیر مُڑ مُڑ کے گرادے یا رسول اللہ
Naween armaan naway aarzua laay kay uthda haa
Naseeba fair mur mur kay giraday ya Rasool Allah
میں سُنیاں قبر دے اندر تسیں دیدار دیندے او
مقدر وقت اوہ چھیتی لیاوے یا رسول اللہ
Mein sunia qabir day andar tasin deedaar danday o
Muqaddar waqt oh cheeti liaaway ya Rasool Allah
ایہہ ہر ویلے دُعاواں منگداں دربار تیرے تے
قصیدے ایہہ تیرا صائم سُناوے یا رسول اللہ
Ay har walay duawan mangdan darbaar teray tay
Qaseeday ay tera Saaim sunaaway ya Rasool Allah
Share This Naat
Share with friends and family
ناں اک پل وی کدی آرام آوے یارسول الله
علامہ صائم چشتی