مطلعِ نورِ الٰہی ہے نہارِ عارض
مصدرِ ہشت جناں فیضِ بہارِ عارض
Matla-e-noor-e-Ilahi hai nahaar-e-aariz
Masdar-e-hasht janaan faiz-e-bahaar-e-aariz
اے سیہ کارو ! تمہیں طلعتِ بخشش کی نوید !
لِلہ الحمد کہ ہے زلف کنار عارض
Ae siyah karo ! tumhe tal'at-e-bakhshish ki naveed !
Lillah alhamd keh hai zulf kinara-e-aariz
جیسے تفسیرِ "جلالین " ہو گردِ مصحف
ایسے ہی خط ہے یمین اور یسارِ عارض
Jaise tafseer-e-"Jalalain" ho gird-e-mushaf
Aise hi khat hai yameen aur yasaar-e-aariz
تیغِ تنویر سے کردوں گا ابھی تجھ کو ہلاک
میں ہوں اے ظلمتِ غم ! عاشقِ زارِ عارض
Tegh-e-tanveer se kardoon ga abhi tujh ko halaak
Main hoon ae zulmat-e-gham ! aashiq-e-zaar-e-aariz
شعلۂِ جرم نہ کیوں گلشنِ حسنات بنے ؟
’’نارِ دوزخ کو چمن کردے بہارِ عارض ‘‘
Shola-e-jurm na kyu gulshan-e-hasnaat bane ?
"Naar-e-dozakh ko chaman karde bahaar-e-aariz "
فن مہکتا ہے ، کہ ہے واصفِ زلفِ مشکیں
حرف روشن ہیں ،کہ ہیں مدح نگارِ عارض
Fun mehakta hai, keh hai wasif-e-zulf-e-mushkeen
Harf roshan hain, keh hain madah nigar-e-aariz
چاہِ یوسف ذَقَنِ سیدِ عالم کی جھلک
نورِ کل ، حسنِ جہاں آئنہ دارِ عارض
Chaah-e-Yusuf zaqan-e-Syed-e-Aalam ki jhalak
Noor-e-kul, husn-e-jahaan aaina daar-e-aariz
حسنِ صورت کی نہیں اس میں معظمؔ تخصیص
قاسمِ جملہ محاسن ہے وقارِ عارض
Husn-e-soorat ki nahin is mein Mo'azzam takhsees
Qasim-e-jumla mahaasin hai waqar-e-aariz
Share This Naat
Share with friends and family
مطلعِ نورِ الٰہی ہے نہارِ عارض
معظم سدا معظم مدنی