وحشی کو انسان بنایا میرے کملی والے نے
روحِ دل و ایمان بنایا میرے کملی والے نے
Wahshi ko insaan banaya mere kamli wale ne
Rooh-e-dil o imaan banaya mere kamli wale ne
حشر کے دن کیا کیا نہ گذرتی ایک تبسم کے صدقے
مشکل کو آسان بنایا میرے کملی والے نے
Hashr ke din kya kya na guzarti aik tabassum ke sadqe
Mushkil ko aasan banaya mere kamli wale ne
دل میں مدینے کی خواہش بھی ان کے کرم کا صدقہ ہے
دل کو میرے ارمان بنایا میرے کملی والے نے
Dil mein Madine ki khwahish bhi un ke karam ka sadqa hai
Dil ko mere armaan banaya mere kamli wale ne
عرشِ بریں کے گوشوں پر اِک شب یہ فرشتے کہتے ہیں
جلووں کو حیران بنایا میرے کملی والے نے
Arsh-e-bareen ke goshon par ik shab ye farishte kehte hain
Jalwon ko hairan banaya mere kamli wale ne
قلب حسینی کہتا تھا واللہ کسی موقع پہ کہیں
جان کو میری جان بنایا میرے کملی والے نے
Qalb-e-Hussaini kehta tha wallah kisi mauqa pe kahin
Jaan ko meri jaan banaya mere kamli wale ne
دے کے فقیروں کے ہاتھوں میں دونوں جہاں کی سوغاتیں
بوذر اور عثمان بنایا میرے کملی والے نے
De ke faqeeron ke hathon mein dono jahan ki sougatain
Bozar aur Usman banaya mere kamli wale ne
داتا، فرید اور خواجہ میں یہ کس کی ضیا باریاں ہیں
کس نے انہیں ذیشان بنایا میرے کملی والے نے
Data, Fareed aur Khwaja mein ye kis ki zia baariyan hain
Kis ne inhein zeshan banaya mere kamli wale ne
اس سے بڑا احسان صبیحؔ خاک نشیں پر کیا ہوگا
پیروئے حسّان بنایا میرے کملی والے نے
Is se bara ehsaan Sabih khak nasheen par kya hoga
Pairo-e-Hassan banaya mere kamli wale ne
Share This Naat
Share with friends and family
وحشی کو انسان بنایا میرے کملی والے نے
سید صبیح الدین صبیح رحمانی