محبوبِ ربِّ اکبر تشریف لارہے ہیں
آج انبیا کے سَرور تشریف لا رہے ہیں
Mahboob-e-Rabb-e-Akbar tashreef la rahe hain
Aaj anbiya ke sarwar tashreef la rahe hain
کیوں ہے فَضا مُعطَّر! کیوں روشنی ہے گھر گھر
اچّھا! حبیبِ داوَر تشریف لا رہے ہیں
Kyun hai fiza muattar! kyun roshni hai ghar ghar
Achha! habeeb-e-dawar tashreef la rahe hain
عیدوں کی عید آئی رَحمت خدا کی لائی
جُود و سخا کے پیکر تشریف لا رہے ہیں
Eidon ki eid aayi, rehmat khuda ki layi
Jood o sakha ke paikar tashreef la rahe hain
حوریں لگیں ترانے نعتوں کے گنگنانے
حور و ملک کے افسر تشریف لا رہے ہیں
Hoorain lagi tarane naaton ke gungunane
Hoor o malak ke afsar tashreef la rahe hain
عالم میں ہیں جو یکتا، بے مثل ہیں جو آقا
وہ آمِنہ ترے گھر تشریف لا رہے ہیں
Aalam mein hain jo yakta, be misal hain jo aaqa
Woh Amina tere ghar tashreef la rahe hain
اے فَرشیو مبارَک اے عَرشیو مبارَک
دونوں جہاں کے سروَرتشریف لا رہے ہیں
Ae farshiyo mubarak, ae arshiyo mubarak
Dono jahan ke sarwar tashreef la rahe hain
اے بے کسو مبارَک اے بے بسو مبارَک
اب غمزدوں کے یاور تشریف لا رہے ہیں
Ae be kaso mubarak, ae be baso mubarak
Ab ghamzadun ke yawar tashreef la rahe hain
جھومو اے بدنصیبو! ہو جاؤ خوش غریبو!
دیکھو غریب پروَر تشریف لا رہے ہیں
Jhoomo ae badnasibo! ho jao khush gharibo!
Dekho ghareeb parwar tashreef la rahe hain
کیسا ہے پیارا منظر رنگین و روح پرور
ہر ایک سے حسیں تر تشریف لا رہے ہیں
Kaisa hai pyara manzar, rangeen o rooh parwar
Har ek se haseen tar tashreef la rahe hain
رحمت برس رہی ہے ہرسَمت روشنی ہے
دیکھو مہِ مُنوَّر تشریف لا رہے ہیں
Rahmat baras rahi hai, har simt roshni hai
Dekho mah-e-munawar tashreef la rahe hain
اے بے نواؤ آؤ، آؤ گداؤ آؤ
وہ آمِنہ کے گھر پر تشریف لا رہے ہیں
Ae be navao aao, aao gadao aao
Woh Amina ke ghar par tashreef la rahe hain
تیری حلیمہ دائی تقدیر مسکرائی
محبوبِ حق ترے گھر تشریف لا رہے ہیں
Teri Halima daai taqdeer muskurai
Mahboob-e-Haq tere ghar tashreef la rahe hain
اُمَّت کے ناز اٹھانے اُمَّت کو بخشوانے
اللہ کے پَیَمبر تشریف لا رہے ہیں
Ummat ke naaz uthane, ummat ko bakhshwane
Allah ke payambar tashreef la rahe hain
آج ازپئے وِلادت جی ہاں ملے گی جنَّت
مختارِ خُلد و کوثر تشریف لا رہے ہیں
Aaj az paye wiladat, jee haan mile gi jannat
Mukhtar-e-Khuld o Kausar tashreef la rahe hain
خود چل کے منزِل آئے آکر گلے لگائے
بھٹکے ہوؤں کے رہبر تشریف لا رہے ہیں
Khud chal ke manzil aaye, aakar gale lagaye
Bhatke huon ke rahbar tashreef la rahe hain
وقتِ ولادت آیا ہے شور مرحبا کا
دونوں جہاں کے سرور تشریف لا رہے ہیں
Waqt-e-wiladat aaya hai, shor marhaba ka
Dono jahan ke sarwar tashreef la rahe hain
شیطاں کی آئی شامت کیوں دور ہو نہ ظلمت
ہاں ہاں عرب کے خاوَر تشریف لا رہے ہیں
Shaitaan ki aayi shamat, kyun door ho na zulmat
Haan haan Arab ke khawar tashreef la rahe hain
کِسریٰ کا قَصرشَق ہے شیطاں کا رنگ فَق ہے
دیکھو! رسولِ انور تشریف لا رہے ہیں
Kisra ka qasr shaq hai, shaitaan ka rang faq hai
Dekho! Rasool-e-Anwar tashreef la rahe hain
تعظیم کے لئے اب اے مومِنو اُٹھو سب
آرامِ جانِ مُضطَر تشریف لا رہے ہیں
Tazeem ke liye ab ae momino uthho sab
Aaram-e-jan-e-muztar tashreef la rahe hain
اپنا غلام کہنے، اِس اُجڑے دل میں رہنے
کب اے غریب پرور تشریف لا رہے ہیں
Apna ghulam kehne, is ujrhe dil mein rehne
Kab ae ghareeb parwar tashreef la rahe hain
اُف! ہائے گُھپ اندھیرا چمکانے گورِ تِیرہ
کب اے مہِ منوَّر تشریف لا رہے ہیں
Uf! haye ghupp andhera, chamkane gor-e-teera
Kab ae mah-e-munawar tashreef la rahe hain
اے تِشنَگانِ محشر دیکھو کرم کے پیکر
کوثر کا لے کے ساغَر تشریف لا رہے ہیں
Ae tishna-gaan-e-mahshar dekho karam ke paikar
Kausar ka le ke saagar tashreef la rahe hain
بدکارو! رکّھو ہمت فرمائیں گے شَفاعت
دیکھو شفیعِ محشر تشریف لا رہے ہیں
Badkaro! rakhho himmat, farmaenge shafa'at
Dekho shafi-e-mahshar tashreef la rahe hain
عطارؔ اب خوشی سے پھولا نہیں سماتا
دنیا میں اس کے سرور تشریف لا رہے ہیں
Attar ab khushi se phoola nahi samata
Duniya mein uske sarwar tashreef la rahe hain
Share This Naat
Share with friends and family
محبوبِ ربِّ اکبر تشریف لارہے ہیں
الیاس عطار قادری