وقتِ آخر حضورؐ آ جانا
رُوئے انور ہمیں دکھا جانا
Waqt-e-aakhir Huzoorؐ aa jana
Ru-e-anwar humein dikha jana
تشنہء دید ہیں مری آنکھیں
جام دیدار کا پلا جانا
Tishna-e-deed hain meri aankhein
Jaam deedaar ka pila jana
آکے شیرینیء زیارت سے
موت کی تلخیاں مٹا جانا
Aa ke sheereeni-e-ziyarat se
Maut ki talkhiyaan mita jana
قبر میں روشنی رہے دائم
زیرِ لب آپؐ مسکرا جانا
Qabr mein roshni rahe daaim
Zair-e-lab aapؐ muskra jana
ہم نے ہر موڑ پر شہِ والاؐ
آپؐ کو قاسمِ عطا جانا
Hum ne har mod par Sheh-e-Walaؐ
Aapؐ ko Qasim-e-Ata jana
عنبر و عود نے قدم چومے
جب ہوا آپؐ کی دِشا جانا
Anbar o oud ne qadam choome
Jab hua aapؐ ki disha jana
عرش کو تیراؐ منتظر پایا
خلد کو تیراؐ نقشِ پا جانا
Arsh ko teraؐ muntazir paaya
Khuld ko teraؐ naqsh-e-pa jana
آج بھی مشکبو ہے غارِ حرا
حاجیو ! لازمی ’’حرا‘‘ جانا
Aaj bhi mushkbu hai Ghaar-e-Hira
Hajiyo! Lazmi "Hira" jana
دم نکل جائے کوئے طیبہ میں
آ کے تیریؐ گلی سے کیا جانا
Dam nikal jaye ko-e-Tayba mein
Aa ke teriؐ gali se kya jana
کاش اشفاقؔ ہو مقدّر میں
کوئے سرکارِ دوسراؐ جانا
Kaash Ashfaqؔ ho muqaddar mein
Ko-e-Sarkar-e-Dosraؐ jana
Share This Naat
Share with friends and family
وقتِ آخر حضورؐ آ جانا
اشفاق احمد غوری