کتنا ہے منفرد شہا حُسن و جمال آپﷺ کا
رشکِ مرسلاں رہا فضل و کمال آپﷺ کا
Kitna hai munfarid sheha husn-o-jamaal aapﷺ ka
Rashk-e-mursalaan raha fazl-o-kamaal aapﷺ ka
خوشبوئیں بکھر گئیں چہار سُو فضائوں میں
مشامِ جاں مہک اُٹھی آیا خیال آپﷺ کا
Khushboo'en bikhar gayin chahaar soo fazaao'n mein
Mashaam-e-jaan mehak uthi aaya khayaal aapﷺ ka
خود ہی خدا نے چن لیا اپنی اذان کے لیے
کیسا مقام پا گیا پیارا بِلال آپﷺ کا
Khud hi Khuda ne chun liya apni azaan ke liye
Kaisa maqaam paa gaya pyaara Bilal aapﷺ ka
کر کے نثار سب متاع صدیقؓ یوں گویا ہوئے
میری تو جاں بھی آپﷺ کی مال و منال آپﷺ کا
Kar ke nisaar sab mataa Siddiqueؓ yun goya huay
Meri to jaan bhi aapﷺ ki maal-o-manaal aapﷺ ka
اقصٰی میں سارے مرسلیں سدرہ پہ تھے روحُ الامیں
سب دیکھتے ہی رہ گئے اوجِ کمال آپﷺ کا
Aqsa mein saare mursaleen Sidra pe the Rooh-ul-ameen
Sab dekhte hi reh gaye oaj-e-kamaal aapﷺ ka
جلیل کو بھی ہوں عطا بہر ِردائے فاطمہؓ
خُلق و ِخصال آپؐ کے صدقِ مقال آپﷺ کا
Jaleel ko bhi hoon ata bahr-e-ridaaye Fatimaؓ
Khulq-o-khisaal aapؐ ke sidq-e-maqaal aapﷺ ka
Share This Naat
Share with friends and family
کتنا ہے منفرد شہا حُسن و جمال آپﷺ کا
حافظ عبدالجلیل