ہر جذبہ ایماں ہمہ تن جانِ مدینہ
واللہ مرا دل ہے کہ ارمانِ مدینہ
Har jazba emaan hama tan jaan-e-Madina
Wallah mera dil hai ke armaan-e-Madina
کیا لطف اُٹھائیں گی وہ جنّت کے چمن کا
جو آنکھیں ہیں محو چمنستانِ مدینہ
Kya lutf uthaein gi wo jannat ke chaman ka
Jo aankhein hain mahv chamanistan-e-Madina
کعبے کی زیارت کا شرف فرضِ یقینی
ایماں کی مگر روح ہے ارمانِ مدینہ
Ka'be ki ziarat ka sharaf farz-e-yaqeeni
Emaan ki magar rooh hai armaan-e-Madina
اے تشنہ لبو ! حشر کی پیاس آج بجھا لو
موجوں میں ہے کوثر کی دبستانِ مدینہ
Ae tishna labu! Hashar ki pyaas aaj bujha lo
Mojon mein hai kausar ki dabistan-e-Madina
ہر سانس صلوٰۃ اور سلام اہلِ یقیں کو
جیسے کوئی ہر وقت ہو مہمانِ مدینہ
Har saans salaat aur salam ahl-e-yaqeen ko
Jaise koi har waqt ho mehman-e-Madina
وہ ذوق ، نہ وہ شوق نہ وہ علم نہ وہ فکر
کس طرح ہوں میں پیروِ حسّانِ مدینہ
Wo zouq, na wo shouq na wo ilm na wo fikr
Kis tarah hon mein peero-e-hassan-e-Madina
لاریب مدینہ ہے دل و جانِ دو عالم
اور کرب و بلا کیا ہے دل و جانِ مدینہ
Lareyb Madina hai dil o jaan-e-do aalam
Aur karb o bala kya hai dil o jaan-e-Madina
پڑھتےہیں صبیحؔ! اہل نظر مدحتِ کعبہ
اشعار جو پڑھتا ہوں میں در شانِ مدینہ
Pardhte hain Sabih! Ahl-e-nazar madah-e-Ka'ba
Ashaar jo pardhta hoon mein dar shan-e-Madina
Share This Naat
Share with friends and family
ہر جذبہ ایماں ہمہ تن جانِ مدینہ
سید صبیح الدین صبیح رحمانی