کیا پوچھتے ہو ہم سے، مدینے میں کیا مِلا
اللہ کے کرم سے درِ مصطفیٰؐ ملا
Kya poochte ho hum se, Madine mein kya mila
Allah ke karam se dar-e-Mustafa ﷺ mila
جس کو شعورِ عشقِ حبیبِ ؐ خدا مِلا
دونوں جہاں کے راز سے وہ آشنا مِلا
Jis ko shaur-e-ishq-e-Habib-e-ﷺ Khuda mila
Dono jahan ke raaz se woh aashna mila
راہِ طلب سے دُور نہیں منزلِ مراد
جو بے قرار ہو کے چلا، اُن سے جا مِلا
Raah-e-talab se door nahin manzil-e-muraad
Jo beqaraar ho ke chala, un se ja mila
تیری مزاحمت ہُوئی آخر کو سرنگوں
اے دشمنِ رسولؐ! بتا تجھ کو کیا مِلا
Teri muzahamat hui aakhir ko sarangoon
Ae dushman-e-Rasoolﷺ! Bata tujh ko kya mila
ہم تو گدائے بابِ رسالتؐ مآب ہیں
جو کچھ درِ رَسول سے ہم کو مِلا، مِلا
Hum to gadaaye bab-e-Risalatﷺ maab hain
Jo kuch dar-e-Rasool se hum ko mila, mila
یُوں گُم ہوئے تصّورِ خیرُ الوریٰ ؐ میں ہم
دل کا مِلا نہ کھوج، نہ اپنا پتہ مِلا
Yun gum hue tassawwur-e-Khair-ul-Wara ﷺ mein hum
Dil ka mila na khoj, na apna pata mila
اے رحمتِ رسولِؐ دو عالم! ترے طفیل
جب بھی دُعا کو ہاتھ اُٹھے، مدّعا مِلا
Ae rehmat-e-Rasool-e-ﷺ do alam! Tere tufail
Jab bhi dua ko hath uthe, mudda mila
ہم پر اب اور کیا ہو عطائے رسولِ پاکؐ
قرآں مِلٗا، حدیث مِلی، راستہ مِلا
Hum par ab aur kya ho ataaye Rasool-e-Pakﷺ
Quran mila, hadith mili, raasta mila
شاہِؐ عرب کے در پہ رسائی ہُوئی نصیرؔ
غیروں میں بس رہا تھا اب اپنوں سے آمِلا
Shah-e-ﷺ Arab ke dar pe rasai hui Naseer
Ghairon mein bas raha tha ab apnon se a mila
Share This Naat
Share with friends and family
کیا پوچھتے ہو ہم سے، مدینے میں کیا مِلا
سید نصیرالدیں نصیر