سنور جائے گی سب کی عاقبت، سب کا بَھلا ہوگا
قیامت میں محمدؐ مصطفیٰؐ کا آسرا ہوگا
Sanwar jae gi sab ki aaqibat, sab ka bhala hoga
Qayamat mein Muhammad Mustafa ka aasra hoga
عدالت سے نبیؐ کی جس کو پروا نہ عطا ہوگا
وہی بس مستحقِّ رحمتِ ربُّ العُلیٰ ہوگا
Adalat se Nabi ki jisko parwa na ata hoga
Wohi bas mustahiq-e-rehmat-e-Rabb-ul-ula hoga
پُکاریں گے شفیع ُؐ المذنبیں کو سب قیامت میں
وہاں پر سب کا نعرہ ’’یا محمدؐ مصطفیٰ ‘‘ہوگا
Pukarein ge Shafee'ul Muznibeen ko sab qayamat mein
Wahan par sab ka nara "Ya Muhammad Mustafa" hoga
ہماری خاک کے ذرّے بھی پہنچیں گے وہاں اُڑ کر
مدینے کی طلب ہوگی، مدینہ مدعا ہوگا
Hamari khaak ke zarre bhi pahunchein ge wahan ur kar
Madinay ki talab hogi, Madina mad'ua hoga
نبیؐ کا در ہے اور اَقصائے عالَم کی جبیں سائی
یہ منظر چشمِ قدرت سے خدا خود دیکھتا ہوگا
Nabi ka dar hai aur aqsa-e-alam ki jabeen saai
Yeh manzar chashm-e-qudrat se Khuda khud dekhta hoga
جو اُن کے آستانِ پاک پر سَر اپنا خم کردے
وہ قسمت کا دھنی ہوگا، سکندر وقت کا ہوگا
Jo un ke astan-e-paak par sar apna kham karde
Woh qismat ka dhani hoga, Sikandar waqt ka hoga
ابھی ذوقِ جُنوں، سوزِ دُروں، بخشا ہے حضرتؐ نے
نصیرؔ اُن کی محبت میں نہ جانے اور کیا ہوگا
Abhi zouq-e-junoon, soz-e-durun, bakhsha hai Hazrat ne
Naseer un ki mohabbat mein na jaane aur kya hoga
Share This Naat
Share with friends and family
سنور جائے گی سب کی عاقبت، سب کا بَھلا ہوگا
سید نصیرالدیں نصیر