مدینہ کی بہاروں سے سکونِ قلب مِلتا ہے
اسی کے لالہ زاروں سے سکونِ قلب مِلتا ہے
Madeena ki baharon se sukoon-e-qalb milta hai
Isi ke lala zaroin se sukoon-e-qalb milta hai
وہ جن سے عازمینِ طیبہ روز وشب گزرتے ہیں
مجھے ان رہگذاروں سے سکونِ قلب مِلتا ہے
Woh jin se azmeen-e-taibah roz o shab guzartay hain
Mujhe un rehguzaron se sukoon-e-qalb milta hai
جو مجھ کو سرورِ کونین کی باتیں سناتے ہیں
مجھے ان میرے پیاروں سے سکونِ قلب مِلتا ہے
Jo mujh ko Sarwar-e-Konain ki baatein sunate hain
Mujhe un mere pyaron se sukoon-e-qalb milta hai
جہاں نامِ نبی پر جان دینے والے سوتے ہیں
مجھے ایسے مزاروں سے سکونِ قلب مِلتا ہے
Jahan Naam-e-Nabi par jaan dene wale sote hain
Mujhe aise mazaaron se sukoon-e-qalb milta hai
وہ مکّہ ہو مدینہ ہو کہ شہرِ قدُس کی گلیاں
عقیدت کے دیاروں سے سکونِ قلب مِلتا ہے
Woh Makka ho Madina ho ke shehr-e-quds ki galiyan
Aqeedat ke diaron se sukoon-e-qalb milta hai
جو صحراؤں سے اٹھ کر وادی رحمت کو جاتے ہیں
اُن اونٹوں کی قطاروں سے سکونِ قلب مِلتا ہے
Jo sehrain se ut kar wadi rehmat ko jate hain
Un oonton ki qataron se sukoon-e-qalb milta hai
منیر! اکثر میں تنہائی میں نعتیں گنگناتا ہوں
کہ مجھ کو ان سہاروں سے سکونِ قلب مِلتا ہے
Muneer! aksar mein tanhai mein naatein gungunata hoon
Ke mujh ko un saharon se sukoon-e-qalb milta hai
Share This Naat
Share with friends and family
مدینہ کی بہاروں سے سکونِ قلب مِلتا ہے
منیر قصوری