بڑھ کر ہے خاکِ طیبہ، رفعت میں آسماں سے
شمس وقمر سے افزوں، روشن ہے کہکشاں سے
Barh kar hai khaak-e-Tayyiba, rif'at mein aasmaan se
Shams o qamar se afzun, roshan hai kahkashaan se
ارضِ حجاز ہے اِک عِشق ووفا کی بستی
افضل ہے کوئے احمد جنت کے گلستاں سے
Arz-e-Hijaz hai ik ishq o wafa ki basti
Afzal hai kooye Ahmad jannat ke gulistaan se
گمراہی وجہالت انساں کا تھیں مقدر
علم وہنر جو پایا، پایا اس آستاں سے
Gumraahi wa jahalat insaan ka thein muqaddar
Ilm o hunar jo paaya, paaya is aastaan se
آمد سے تیری پھلیں نور ویقیں کی کرنیں
رخصت ہوئے اندھیرے ویرانہ جہاں سے
Aamad se teri phalien noor o yaqeen ki kirnein
Rukhsat hue andhere, weerana-e-jahaan se
کلیاں کھلیں خوشی سے پھولوں میں رنگ آیا
باغِ حیات مہکا خوشبوئے باغباں سے
Kaliyaan khilen khushi se, phoolon mein rang aaya
Baagh-e-hayaat meheka, khushboo-e-baaghbaan se
طوفان کے تھپڑے حد سے گزر گئے ہیں
ناؤ بچے گی اپنی رحمت کے بادباں سے
Toofaan ke thapray had se guzar gaye hain
Nao bache gi apni, rehmat ke baadbaan se
چشمِ کرم ہو آقا بسنا وکاشر پر
نسبت ہے اب بھی اُن کو آقائے دوجہاں سے
Chashm-e-karam ho Aaqa, Basna o Kashar par
Nisbat hai ab bhi un ko Aaqa-e-do jahaan se
مِدحتَ سرا ہے نقوی مولا کی عظمتوں کا
پھر خوف کیوں ہو اُس کو محشر کے امتحاں سے
Midhat sara hai Naqvi Maula ki azmaton ka
Phir khauf kyun ho us ko, Mahshar ke imtihaan se
Share This Naat
Share with friends and family
بڑھ کر ہے خاکِ طیبہ
آفتاب نقوی