روشنی بن کر اُتر چاروں طرف اِک بار پھر
بانٹ اپنے مسکراتے حُسن کی مہکار پھر
Roshni ban kar utar charon taraf ik bar phir
Bant apne muskurate husn ki mehk r phir
لمسِ پا کے واسطے کنکر کئی بیتاب ہیں
اک پہاڑی پر کھڑی ہے منتظر اک غار پھر
Lams-e-pa ke waste kankar kai betaab hain
Ik pahari par khari hai muntazir ik gaar phir
پھر کوئی پُر کیف سا منظر دکھا دے خواب میں
اپنے قدموں پر مجھے رکھنے دے یہ رخسار پھر
Phir koi pur kaif sa manzar dikha de khwab mein
Apne qadmoun par mujhe rakhne de ye rukhsar phir
تو مرے ماتھے پہ قیمت لکھ دے اپنے ہاتھ سے
میں کہیں سستا نہ بک جاؤں سرِ بازار پھر
Tu mere mathay pe qeemat likh de apne hath se
Main kahin sasta na bik jaaun sar-e-bazaar phir
اے مرے آقا مجھے اک بار دے پھر حوصلہ
گرتے جاتے ہیں مری ہمت کے سب مینار پھر
Ae mere aqa mujhe ik bar de phir hausla
Girte jate hain meri himmat ke sab minar phir
پھر چھپا لے مجھ کو اپنی رحمتوں کے نور میں
پیار کی تھپکی مجھے دے دیجئے اک بار پھر
Phir chhupa le mujh ko apni rehmaton ke noor mein
Pyar ki thapki mujhe de dijiye ik bar phir
چھوٹ جائے پھر نہ انجؔم سے کہیں دامن ترا
تیز ہوتی جارہی ہے وقت کی رفتار پھر
Chhoot jaye phir na Anjum se kahin daaman tera
Tez hoti ja rahi hai waqt ki raftar phir
Share This Naat
Share with friends and family
روشنی بن کر اُتر چاروں طرف اِک بار پھر
انجم نیازی