مرا راز کب مرا راز ہے اسے کس طرح رکھوں راز میں
مری زندگی مری آبرو تو ہے دستِ بندہ نواز میں
Mera raaz kab mera raaz hai ise kis tarah rakhoon raaz mein
Meri zindagi meri aabroo tu hai dast-e banda nawaz mein
ہوا رازِ خاص بھی منکشف نہیں کچھ بھی پردہء راز میں
جو چھُپا تھا پردہء راز میں وہ عیاں ہوا ہے حجاز میں
Hua raaz-e khaas bhi munakashif nahin kuchh bhi parda-e raaz mein
Jo chhupa tha parda-e raaz mein woh ayaan hua hai Hijaz mein
یہ جو پانچ وقت ہیں سر جھُکے یہ جو بندے بندہ نما بنے
یہ اسی کے لطف کا فیض ہے کہ جھُکے ہیں دل بھی نماز میں
Yeh jo paanch waqt hain sar jhuke yeh jo bande banda numa bane
Yeh isi ke lutf ka faiz hai ke jhuke hain dil bhi namaz mein
یہ اسی نے پردہ اُٹھا دیا یہ اُسی نے سب کو بتا دیا
نہیں فرق ذرّہ و مہر میں نہیں فرق شاہ و ایاز میں
Yeh isi ne parda uthaa diya yeh usi ne sab ko bata diya
Nahin farq zarrah o mehr mein nahin farq shah o Ayaz mein
میں یہ سمجھوں مجھ کو عطا ہوئی نئی سر خوشی نئی زندگی
اگر ایک بار بھی جا ملے مجھے سر زمین حجاز میں
Main yeh samjhoon mujh ko ata hui nai sar khushi nai zindagi
Agar ek baar bhi ja mile mujhe sarzameen Hijaz mein
کوئی جانے کیا یہ حقیقتیں یہ حقیقتیں ہیں حقیقتیں
وہی نغمہ پردہء قلب میں وہی نغمہ پردہء ساز میں
Koi jaane kya yeh haqeeqatein yeh haqeeqatein hain haqeeqatein
Wohi naghma parda-e qalb mein wohi naghma parda-e saaz mein
صبا وردِ دل بہ حضور کہہ بہ قریب کہہ کہ بہ دُور کہہ
مرا حالِ زار ضرور کہہ جو گذر ہو تیرا حجاز میں
Saba ward-e dil bah Huzoor keh bah qareeb keh ke bah door keh
Mera haal-e zaar zaroor keh jo guzar ho tera Hijaz mein
Share This Naat
Share with friends and family
مرا راز کب مرا راز ہے
بہزاد لکھنوی