رہ وفا میں قدم جب بھی ڈگمگایا ہے
زباں پہ مری محمد کا نام آیا ہے
Reh-e-wafa mein qadam jab bhi dagmagaaya hai
Zubaan pe meri Muhammad ka naam aaya hai
در نبی پہ جو بن کر فقیر آیا ہے
قسم خدا کی جو مانگا ہے اس نے پایا ہے
Dar-e-Nabi pe jo ban kar faqeer aaya hai
Qasam Khuda ki jo maanga hai uss ne paaya hai
طواف کرتی ہے اس خوش نصیب کا رحمت
جسے نبی کے کرم نے گلے لگایا ہے
Tawaaf karti hai uss khush naseeb ka rehmat
Jisay Nabi ke karam ne galay lagaaya hai
ہو خوف گرمی محشر کا کس لیے ہم کو
ہمارے سر پہ نبی کے کرم کا سایہ ہے
Ho khauf garmi-e-mahshar ka kis liye hum ko
Humaare sar pe Nabi ke karam ka saaya hai
قبول بارگاہ حق وہ ہو گیا واللہ
مرے حضور نے اپنا جسے بنایا ہے
Qabool bargah-e-Haq woh ho gaya wallah
Mere Huzoor ne apna jisay banaaya hai
نہ آئیں کیوں مرے گھر سے کرم کی خوشبوئیں
نبی کے ذکر کے پھولوں سے گھر سجایا ہے
Na aayein kyu mere ghar se karam ki khushbuyein
Nabi ke zikr ke phoolon se ghar sajaaya hai
ہزاروں آئے نبی حق نے عرش پر لیکن
وہ صرف میرا نبی ہے جسے بلایا ہے
Hazaron aaye Nabi Haq ne arsh par lekin
Woh sirf mera Nabi hai jisay bulaaya hai
خدا کے لطف سے محروم رہ نہیں سکتا
مرے حضور کی محفل میں جو بھی آیا ہے
Khuda ke lutf se mehroom reh nahi sakta
Mere Huzoor ki mehfil mein jo bhi aaya hai
ہو جس میں ذکر نیازی جمال احمد کا
وہ گھر حضور کی رحمت سے جگمگایا ہے
Ho jis mein zikr Niazi Jamaal Ahmed ka
Woh ghar Huzoor ki rehmat se jagmagaaya hai
Share This Naat
Share with friends and family
رہ وفا میں قدم جب بھی ڈگمگایا ہے
عبدالستار نیازی