وردِ لب اک نغمۂ حمدِ خدا رہنے دیا
یوں زباں پر ہم نے اِک حرفِ دعا رہنے دیا
Ward-e-lab aik naghmay-e-hamd-e-Khuda rehne diya
Yun zubaan par hum ne ik harf-e-dua rehne diya
ہے کلام اللہ ، روشن راستہ سب کے لیے
یہ اثاثہ رب نے کتنا بے بہا رہنے دیا
Hai Kalaam Allah, roshan raasta sab ke liye
Yeh asaasa Rab ne kitna be-biha rehne diya
ہے حرم کی سرزمیں رحمت اثاثہ بے گماں
اُس زمینِ پاک پہ یہ دل بچھا رہنے دیا
Hai haram ki sarzameen rehmat asaasa be gumaan
Us zameen-e-paak pe yeh dil bicha rehne diya
میں نے حمد و نعت کو اپنا وظیفہ کرلیا
ذکر تیرا لب پہ اے ربّ العلیٰ رہنے دیا
Main ne hamd o naat ko apna wazifah karlia
Zikr tera lab pe ay Rabb-ul-Ala rehne diya
خوف کے سارے بتوں کو قلب سے باہر کیا
خوف تیرا ، دل میں اپنے اے خدا رہنے دیا
Khauf ke sare buton ko qalb se baahir kiya
Khauf tera, dil me apne ay Khuda rehne diya
مالکِ ارض و سما نے ہم فقیروں کے لیے
سرورِ کونین کا اک آسرا رہنے دیا
Maalik-e-arz o sama ne hum faqeeron ke liye
Sarwar-e-Kainaat ka ik aasra rehne diya
ربِّ عالم پر توکُّل کرکے لوگو! میں نے اب
اِک چراغِ آرزو دوشِ ہوا رہنے دیا
Rabb-e-Alam par tawakkul karke logo! main ne ab
Ik chiraagh-e-aarzu doosh-e-hawa rehne diya
ربِّ اعلیٰ کا کرم اور تربیت ماں باپ کی
راستہ اپنا بُرائی سے جُدا رہنے دیا
Rab-e-Ala ka karam aur tarbiyyat maan baap ki
Raasta apna burai se juda rehne diya
ربِّ عالم شکر تیرا ، تونے طاہرؔ کے لیے
حمد گوئی کا مقدّم سلسلہ رہنے دیا
Rab-e-Alam shukr tera, toone Tahir ke liye
Hamd goyi ka muqaddam silsila rehne diya
Share This Naat
Share with friends and family
وردِ لب اک نغمۂ حمدِ خدا رہنے دیا
طاہر سلطانی