Sufi Kalam
رب کا یہ سب ہے کرم دل کی فضا کیف میں ہے
رب کا یہ سب ہے کرم دل کی فضا کیف میں ہے
پھول جو دل کے گلستاں میں کِھلا کیف میں ہے
Rab ka yeh sab hai karam dil ki fiza kaif mein hai
Phool jo dil ke gulistan mein khila kaif mein hai
فضلِ رب ہوگیا آقاﷺ کی دُعاؤں کے سبب
غزوئہ بدر میں رحمت کی گھٹا کیف میں ہے
Fazl-e-Rab hogaya aaqaﷺ ki duaoon ke sabab
Ghazwa-e-Badr mein rehmat ki ghata kaif mein hai
حق کا محور ہے صداقت کا امیں ہے قرآں
آج ہر سمت ہی مولا کی صدا کیف میں ہے
Haq ka mehwar hai sadaqat ka amin hai quraan
Aaj har simt hi maula ki sada kaif mein hai
طوفِ کعبہ کے صِلے میں جو مِلا ہے مجھ کو
وہ صِلا کیف میں ہے اور وہ عطا کیف میں ہے
Tof-e-Kaaba ke sile mein jo mila hai mujh ko
Woh sila kaif mein hai aur woh ata kaif mein hai
ایڑیاں رگڑی تھیں جس بچے نے اس کے قرباں
غور سے دیکھو ذرا آبِ شفا کیف میں ہے
Eriyan ragri thi jis bache ne us ke qurban
Ghor se dekho zara aab-e-shifa kaif mein hai
رحمتِ رب سے نہ مایوس ہو اے بندئہ رب
سُن کے پیغامِ خدا، آج خطا کیف میں ہے
Rehmat-e-Rab se na mayoos ho ae bande-e-Rab
Sun ke paigham-e-Khuda, aaj khata kaif mein hai
جس کو اعزاز مِلا ہے وہ لباسِ کعبہ
غور سے دیکھو اے طاہرؔ وہ رِدا کیف میں ہے
Jis ko aezaz mila hai woh libas-e-Kaaba
Ghor se dekho ae Tahir woh rida kaif mein hai
Share This Naat
Share with friends and family
رب کا یہ سب ہے کرم دل کی فضا کیف میں ہے
طاہر سلطانی