ہیں زمیں فلک کی جو رونقیں ، یہ فقط خدا کا کمال ہے
وہ چلائے نظمِ جہان بھی ، وہی ماضی ہے وہی حال ہے
Hain zameen falak ki jo ronaqen, ye faqat Khuda ka kamal hai
Wo chalay nazm-e jahan bhi, wohi mazi hai wohi hal hai
اُسے نیند آئے نہ اُونگھ ہی ، کوئی کام اس کو کٹھن نہیں
وہ ازل بھی ہے وہ ابد بھی ہے نہ اُسے کبھی بھی زوال ہے
Usay neend aaye na oongh hi, koi kaam is ko kathin nahi
Wo azal bhi hai wo abad bhi hai na usay kabhi bhi zawal hai
شب و روز ذکرِ خدا کرو ، ہمہ وقت ذکرِ نبی کرو
یہی ذکر راحتِ جاں بھی ہے ، یہی ذکر مآل و منال ہے
Shab o roz zikr-e Khuda karo, hama waqt zikr-e Nabi karo
Yahi zikr rahat-e jaan bhi hai, yahi zikr maal o manal hai
کہ ہر ایک چہرہ اسی کا ہے ، مگر اس کا چہرہ کوئی نہیں
وہ ہے ہر جگہ وہ کہیں نہیں ، وہ ازل سے ایک سوال ہے
Ke har aik chehra usi ka hai, magar us ka chehra koi nahi
Woh hai har jagah woh kahin nahi, wo azal se aik sawal hai
جو چلے رسول کی راہ پر انھیں قربِ ربِّ عُلا مِلا
جو ولی ہیں رب کے انھیں یہاں نہ ہی خوف ہے نہ ملال ہے
Jo chalay Rasool ki rah par unhein qurb-e Rabb-e ula mila
Jo wali hain Rabb ke unhein yahan na hi khauf hai na malal hai
وہ تھی صبحِ صادقِ پُر ضیا ، ہوئی جب تھی آمدِ مصطفیٰﷺ
وہ جو عید عیدوں کی عید ہے ، وہی صبحِ نور ، وہی سال ہے
Wo thi subah-e sadiq-e pur zia, hui jab thi amad-e Mustafa ﷺ
Wo jo Eid eidun ki Eid hai, wohi subah-e noor, wohi saal hai
رہِ مستقیم پہ جو چلا ، دوجہان میں وہ بھَلا رہا
اُسے سرفرازی عطا ہوئی وہ کرم سے رب کے نہال ہے
Rah-e mustaqeem pe jo chala, do jahan mein wo bhala raha
Usay sarfarazi ata hui wo karam se Rabb ke nehal hai
میں نہ اچھا انساں ہی بن سکا ، میں مسلماں کیسا ہوں کیا کہوں
مجھے رنج ہے تو فقط یہی ، مجھے بس یہی تو ملال ہے
Main na acha insaan hi ban saka, main Musalman kaisa hoon kya kahoon
Mujhe ranj hai to faqat yahi, mujhe bas yahi to malal hai
ہے زباں پہ اس کی تیری ثنا ، ہے جو بندہ طاہرِؔ بے نوا
اے خدا اسے بھی ہو حج عطا ، یہی ایک اس کا سوال ہے
Hai zubaan pe is ki teri sana, hai jo banda Tahir be nawa
Ae Khuda usay bhi ho Hajj ata, yahi aik us ka sawal hai
Share This Naat
Share with friends and family
ہیں زمیں فلک کی جو رونقیں
طاہر سلطانی