لائقِ حمد بھی، ثنا بھی تو
میرا معبود بھی، خدا بھی تو
Laiq-e-hamd bhi, sana bhi tu
Mera mabood bhi, Khuda bhi tu
تیرے اسرار کون جان سکے
سب میں موجود اور جدا بھی تو
Tere asrar kaun jaan sake
Sab mein maujood aur juda bhi tu
بے نواؤں کی آخری امید
بے سہاروں کا آسرا بھی تو
Be nawawon ki aakhri umeed
Be saharon ka aasra bhi tu
التجا سب ترے حضور کریں
سب کی سنتا رہے دعا بھی تو
Iltija sab tere huzoor karein
Sab ki sunta rahe dua bhi tu
تو ہی سب سے بڑا مسیحا ہے
سب مریضوں کو دے شفا بھی تو
Tu hi sab se bara maseeha hai
Sab mareezon ko de shifa bhi tu
باعثِ ابتدا ہے ذات تری
واقفِ راز انتہا بھی تو
Ba'is-e-ibtida hai zaat teri
Waaqif-e-raaz inteha bhi tu
جو نہ کوئی بھی جانے، تو جانے
آرزو تو ہے اور رضا بھی تو
Jo na koi bhi jaane, tu jaane
Aarzu tu hai aur Raza bhi tu
تیرے در کے سبھی سوالی ہیں
قلبِ کا عرضِ مدعا بھی تو
Tere dar ke sabhi sawali hain
Qalb-e-ka arz-e-mudda bhi tu
تجھ سے ظاہر ظہور ہے سب کا
اور ظہوریؔ کی ہے صدا بھی تو
Tujh se zaahir zahoor hai sab ka
Aur Zahoori ki hai sada bhi tu
Share This Naat
Share with friends and family
لائقِ حمد بھی، ثنا بھی تو
محمد علی ظہوری