ہَے ذِکر ترا گلشن گلشن سُبحان اللہ سُبحان اللہ
مصرُوفِ ثنا ہیں سَرو و سمن سُبحان اللہ سُبحان اللہ
hai zikr tera gulshan gulshan subhan Allah subhan Allah
masroof-e-sana hain sarw-o-saman subhan Allah subhan Allah
غنچوں کی چٹک شبنم کی ضیا‘ پھولوں کی مہک بلبل کی نوا
قائم ہے تجھی سے حُسنِ چمن سُبحان اللہ سُبحان اللہ
ghuncho ki chatak shabnam ki zia, phoolon ki mehak bulbul ki nawa
qaim hai tujhi se husn-e-chaman subhan Allah subhan Allah
کیا دیکھے کوئی وسعت تیری ‘ ہو کیسے بیاں عظمت تیری
عاجز ہے نظر قاصِر ہے دہن سُبحان اللہ سُبحان اللہ
kya dekhe koi wusat teri, ho kaise bayan azmat teri
aajiz hai nazar qasir hai dahan subhan Allah subhan Allah
مطلُوب بھی تو مقصُود بھی تو ، مسجُود بھی تو معبُود بھی تو
تو روحِ صبا تو جانِ چمَن سُبحان اللہ سُبحان اللہ
matloob bhi tu maqsood bhi tu, masjood bhi tu mabood bhi tu
tu rooh-e-saba tu jaan-e-chaman subhan Allah subhan Allah
ہر نقش تری قدرت کا نشاں ‘ ہر نقش کے لب پر تیرا بیاں
ہر بزم میں تو موضوعِ سخن سُبحان اللہ سُبحان اللہ
har naqsh teri qudrat ka nishan, har naqsh ke lab par tera bayan
har bazm mein tu mauzoo-e-sukhan subhan Allah subhan Allah
مَیں نے جو کہا مَیں نے جو سُنا ، کچھ بھی نہ کہا کچھ بھی نہ سُنا
ہے اِس سے وَرا تیرا مسکن سُبحان اللہ سُبحان اللہ
mein ne jo kaha mein ne jo suna, kuch bhi na kaha kuch bhi na suna
hai is se wara tera maskan subhan Allah subhan Allah
مٹّی کو زباں دے کر اُس کو اعجازِ بیاں دینے والے
اعظؔم کو بھی دے تو فیقِ سخن سُبحان اللہ سُبحان اللہ
mitti ko zuban de kar us ko ejaaz-e-bayan dene wale
Aazam ko bhi de taufeeq-e-sukhan subhan Allah subhan Allah
Share This Naat
Share with friends and family
ہَے ذِکر ترا گلشن گلشن سُبحان اللہ سُبحان اللہ
محمد اعظم چشتی