اٹھ شیرا پاکستان دیا ہن جاگ تے ہو ہشیار اڑیا
تینوں خلقت طعنے مار دی اے چھڈ نیندر ہو بیدار اڑیا
uth sheera pakistan diya han jaag te ho hushyar riyya
tenu khalqat taane maar di ae chhad neendar ho bedar riyya
ایہہ تیرے سون دا ویلا نہیں ایہہ وہلیاں بھون دا ویلا نہیں
بن قوم دا خدمتگار اڑیا ہن جاگ تے ہو ہشیار اڑیا
eh tere son da vela nahi eh wohliyan bhon da vela nahi
ban qoum da khidmatgar riyya han jaag te ho hushyar riyya
چھڈ چوپٹ تاش دیاں بازیاں نوں ایہہ کھیڈ نئی پھب دے غازیاں نوں
پھڑجا ہدو دی تلوار اڑیا ہن جاگ تے ہو ہشیار اڑیا
chhad chopat taash diyan baaziyan nu eh kheed nahi phab de ghaaziyan nu
pharja hadu di talwar riyya han jaag te ho hushyar riyya
کیوں وچ میدان دے اوندا نئی کیوں خالدی شان دکھوندا نہیں
چھڈ لمی سوچ وچار اڑیا ہن جاگ تے ہو ہشیار اڑیا
kiyon vich maidan de onda nahi kiyon khalidi shan dhikhonda nahi
chhad lambi soch vichar riyya han jaag te ho hushyar riyya
کنیں گل دشمن دی پاویں نہ اینویں سن سن دل تے لاویں نہ
منہ دشمن دا پھٹکار اڑیا ہن جاگ تے ہو ہشیار اڑیا
kine gal dushman di paavein na enwein sun sun dil te laavein na
munh dushman da phatkaar riyya han jaag te ho hushyar riyya
پہلوں تیغ کسے اتے کڈ ناہیں جہڑا چھیڑے اوس نوں چھڈ ناہیں
ایہو اعظم دی اے پکار اڑیا ہن جاگ تے ہو ہشیار اڑیا
pahloun tegh kise ute kad nahi jehra chheere os nu chhad nahi
eho Azam di ae pukaar riyya han jaag te ho hushyar riyya
Share This Naat
Share with friends and family
اٹھ شیرا پاکستان دیا ہن جاگ تے ہو ہشیار اڑیا
محمد اعظم چشتی