جس میں ہو تیری رضا ایسا ترانہ دے دے
اپنے محبوبﷺ کی نعتوں کا خزانہ دے دے
Jis mein ho teri raza aisa tarana de de
Apne mehboob ﷺ ki naaton ka khazana de de
شہرِ مکّہ میں مجھے گھر کوئی مِل جائے یا پھر
شہرِ طیبہ کی مجھے جائے یگانہ دے دے
Shehr-e-Makkah mein mujhe ghar koi mil jaye ya phir
Shehr-e-Taiba ki mujhe jaye yagana de de
اُنﷺ کی نعلین کروں صاف یہی حسرت ہے
ربِّ عالم مجھے اِک ایسا زمانہ دے دے
Un ﷺ ki nalain karun saaf yehi hasrat hai
Rabb-e-Alam mujhe ik aisa zamana de de
نوکری تیری کروں آئینہ کرداری سے
اُجرتِ خاص مجھے ربِّ زمانہ دے دے
Naukri teri karun aina kirdari se
Ujrat-e-khaas mujhe rabb-e-zamana de de
آج تک مجھ کو سنبھالا ہے کرم نے تیرے
جب میں گرنے لگوں آکر کوئی شانہ دے دے
Aaj tak mujh ko sambhala hai karam ne tere
Jab mein girne lagun aakar koi shana de de
ہو رضا جس میں تری اور تیرے پیارے کی
حمد اور نعت مجھے ایسی یگانہ دے دے
Ho raza jis mein teri aur tere piyaray ki
Hamd aur naat mujhe aisi yagana de de
سادگی کا مجھے پیکر کہیں دنیا والے
زندگی ایسی، مرے مولا! شہانہ دے دے
Sadaigi ka mujhe paikar kahin duniya wale
Zindagi aisi, mairay Maula! shahna de de
حجِ مبرور کی حاصل ہو سعادت مجھ کو
حاضری کا مجھے اِک خاص بہانہ دے دے
Haj-e-Mabroor ki hasil ho saadat mujh ko
Hazri ka mujhe ik khaas bahana de de
یاد آتے ہیں مناظر وہی نوری مجھ کو
اُن مناظر کا مجھے آئینہ خانہ دے دے
Yaad aatay hain manazir wahi noori mujh ko
Un manazir ka mujhe aina khana de de
آئینہ جیسا ہو کردار جہاں میں میرا
رحمتوں والا مجھے آب دے دانہ دے دے
Aaina jaisa ho kirdar jahan mein mera
Rehmaton wala mujhe aab de dana de de
ظلم سہتے ہیں فلسطینی نہتے بے بس
یہ ہیں بے گھر مرے مولا انہیں خانہ دے دے
Zulm sehte hain falastini nahate bay bas
Ye hain be ghar maray maula inhein khana de de
خواہشِ طاہرؔ سلطانی یہی ہے مولا
عشقِ سرکارِ دوعالمﷺ کا خزانہ دے دے
Khwaish-e-Tahirؔ Sultani yehi hai maula
Ishq-e-Sarkar-e-Do Alam ﷺ ka khazana de de
Share This Naat
Share with friends and family
جس میں ہو تیری رضا ایسا ترانہ دے دے
طاہر سلطانی