ہر ایک شے میں الٰہی ظہور تیرا ہے
گلوں میں رنگ ستاروں میں نور تیرا ہے
har aik shai mein ilahi zahoor tera hai
gulon mein rang sitaron mein noor tera hai
ترے سوا نہیں زیبا کسی کو اے مالک
مرے کریم بجا سب غرور تیرا ہے
tare siwa nahi zaiba kisi ko ae malik
mare kareem baja sab gharoor tera hai
مری یہ تشنہ لبی دیکھتی ہے تیری طرف
میں تشنہ کام ہوں جامِ طہور تیرا ہے
mari ye tishna labi dekhti hai teri taraf
mein tishna kaam hun jaam-e-tahoor tera hai
میں جانتا ہوں کہ تو ذوالجلال ہے لیکن
برائے عبد کرم کا وفور تیرا ہے
mein janta hun ke tu zuljalal hai lekin
baraye abd karam ka wafoor tera hai
شریک تیرا کسی کو سمجھ نہیں سکتا
اگر کسی کو ذرا بھی شعور تیرا ہے
shareek tera kisi ko samajh nahi sakta
agar kisi ko zara bhi shaoor tera hai
بچانا حشر میں رسوائی سے مرے مولا
کہ تو حسیب ہے یومِ نشور تیرا ہے
bachana hashr mein ruswai se mare maula
ke tu haseeb hai yaum-e-nashoor tera hai
معاملہ ہو ہمارا بھی در گزر والا
رحیم نام ہے تیرا غفور تیرا ہے
maamla ho humara bhi dar guzar wala
raheem naam hai tera ghafoor tera hai
Share This Naat
Share with friends and family
ہر ایک شے میں الٰہی ظہور تیرا ہے
اشفاق احمد غوری